ବିଶ୍ୱ ଦହିବରା ଦିବସରେ ପ୍ରସ୍ତୁତ ହୋଇଛି ୫୦ କେଜିର ବରା । ଭୁବନେଶ୍ୱର ସ୍ଥିତ ଇଣ୍ଡିଆନ ଇନଷ୍ଟିଚ୍ୟୁଟ ଅଫ ହୋଟେଲ ମ୍ୟାନେଜମେଣ୍ଟ ଓ ଦହିବରା ଏକ୍ସପ୍ରେସର ମିଳିତ ପ୍ରୟାସରେ ଏହା ତିଆରି ହୋଇଛି । ଏହି ବରା ତିଆରି ହେବା ପରେ ଏହା ଇଣ୍ଟରନେସନାଲ ବୁକ ଅଫ ରେକର୍ଡରେ ସ୍ଥାନ ପାଇଛି । ଏନେଇ ସୂଚନା ଦେଇଛନ୍ତି ଦହି ବରା ଏକ୍ସପ୍ରେସ ଫାଉଣ୍ଡର ତଥା ସିଇଓ ସୌରଭ ଖଣ୍ଡେଲୱାଲ ।

୪୦ ଲିଟର ତେଲରେ ଛଣା ହୋଇଛି ଏହି ବରା । ଭୁବନେଶ୍ୱର ଇନଷ୍ଟିଚ୍ୟୁଟ ଅଫ ହୋଟେଲ ମ୍ୟାନଜମେଣ୍ଟ ଗ୍ରାଣ୍ଡ କିଚେନ୍ ରେ ଏହା ତିଆରି ହୋଇଛି । ମୋଟ ୧୧ ଜଣ ମିଶି ଏହାକୁ ତିଆରି କରିଛନ୍ତି । ପାରମ୍ପାରିକ ରେସିପିକୁ ବଞ୍ଚେଇ ରଖିବା ପାଇଁ ଏଭଳି ବରା ପ୍ରସ୍ତୁତ କରାଯାଇଛି ବୋଲି IHM ପକ୍ଷରୁ କୁହାଯାଇଛି ।