ଅର୍ଗସ ବ୍ୟୁରୋ: ରାଜ୍ୟରୁ ହଟିଲା ୫-ଟି । ନୂଆ ସରକାର ଆସିବା ପରେ ରାଜ୍ୟରୁ ୫ଟି ବ୍ୟବସ୍ଥା ହଟାଇବାକୁ ନିର୍ଦ୍ଦେଶ ଦିଆଯାଇଛି । ସରକାରୀ କାର୍ଯ୍ୟାଳୟ ପରିସରରେ ଥିବା ବୋର୍ଡ ହଟାଇବାକୁ ସ୍ପଷ୍ଟ ଭାବରେ ନିର୍ଦ୍ଦେଶ ଦିଆଯାଇଛି । ଏହା ସହିତ ମୋ ସରକାର ବୋର୍ଡ ହଟାଇବାକୁ ବି ନିର୍ଦ୍ଦେଶ ଦିଆଯାଇଛି । ତେବେ ରାଜ୍ୟରୁ ଫାଇଭ-ଟି ହଟିବା ନେଇ ସୋସିଆଲ୍ ମିଡିଆ ଏକ୍ସରେ ସୂଚନା ଦେଇଛନ୍ତି ମୁଖ୍ୟମନ୍ତ୍ରୀ ମୋହନ ମାଝୀ ।
ନବୀନ ଆରମ୍ଭ କରିଥିଲେ, ମୋହନ ବନ୍ଦ କଲେ
ଗୋଟିଏ ବିଭାଗରେ ହୋଇଛି କୋଟି କୋଟି ଦୁର୍ନୀତି

ଫାଇଭ-ଟି । ଇଏ ଏମିତି ଏକ ବିଭାଗ ଯେଉଁ ବିଭାଗର ନାଁ କୌଣସି ମନ୍ତ୍ରୀ ଥିଲେ ନା ସମ୍ବିଧାନ ଅନୁସାରେ ଏ ବିଭାଗ କାର୍ଯ୍ୟକାରୀ କରୁଥିଲା । ଜାଣିଶୁଣି କୋଟି କୋଟି ଟଙ୍କା ଦୁର୍ନୀତି କରିବା ପାଇଁ ନବୀନ ସରକାର ଏ ବିଭାଗ ସୃଷ୍ଟି କରିଥିଲା । ଯାହାକୁ ନେଇ ବିଧାନସଭାରେ ଅନେକ ବିତର୍କ ବି ହୋଇଥିଲା । ହେଲେ ପୂର୍ବ ସରକାର ଏ ବିଭାଗକୁ ବନ୍ଦ କରିବା ପରିବର୍ତ୍ତେ ସର୍ବାଧିକ ଗୁରୁତ୍ଵ ଦେଇଥିଲେ । କଥା ହେଲା, ନବୀନଙ୍କ ପଞ୍ଚମ ପାଳି ସରକାରରେ ଏହି ୫ଟି ବ୍ୟବସ୍ଥା ଆରମ୍ଭ ହେଇଥିଲା । ସରକାରୀ କାର୍ଯ୍ୟରେ ସ୍ୱଚ୍ଛତା ଏବଂ ତୀବ୍ରତା ଆଣିବାକୁ ୫ଟି ବ୍ୟବସ୍ଥା ଆପଣାଇଥିଲେ ପୂର୍ବର ରାଜ୍ୟ ସରକାର । ଟ୍ରାନ୍ସପରେନ୍ସିଂ, ଟେକ୍ନୋଲୋଜି, ଟିମ୍ ୱାର୍କ, ଟାଇମ୍ ଏବଂ ଟ୍ରାନ୍ସଫର୍ମେସନ୍ ଥିଲା ଏହି ୫ଟି । ହେଲେ ରାଜ୍ୟରେ ସରକାର ପରିବର୍ତ୍ତନ ହେବା ପରେ, ବିଜେପି ସରକାର ଏହି ୫ଟି ବ୍ୟବସ୍ଥାକୁ ହଟାଇବାକୁ ନିର୍ଦ୍ଦେଶ ଦେଇଛି । ଯାହାକୁ ନେଇ ଏବେ ସବୁଠି ଚର୍ଚ୍ଚା ।

ନବୀନ ସରକାରରେ ଓଡ଼ିଶାରେ ମାତିଥିଲେ ୫ ତାମିଲ ଅଫିସର । ନବୀନ ସରକାରକୁ ପୂରା ହାଇଜାକ କରି ସବୁ ଧନସମ୍ପତ୍ତି ଲୁଟ୍‌ କରି ତାମିଲ ପଠାଇବାକୁ ହୀନ ଚକ୍ରାନ୍ତ କରିଥିଲେ । ଶାସନକୁ ପ୍ରକ୍ସି କରି ଏହି ବିଭାଗରେ ସବୁ ଲୁଟ୍‌ପାତ କରିଥିଲେ । ଟଙ୍କା ଲୁଟ କରିବାକୁ ଏହି ଗ୍ୟାଙ୍ଗ ଏମିତି ବାୟା ହୋଇଥିଲା ଯେ ଅଧରାତିରେ ବି ପାଣ୍ଡିଆନଙ୍କ ସହ ଭେଟାଭେଟି ହେଉଥିଲା , ରୁଦ୍ଧଦ୍ଵାର ଆଲୋଚନା ବି ହେଉଥିଲା । ପାଣ୍ଡିଆନ, ପ୍ରଭାକରନ, ଭିନେଲ କ୍ରିଷ୍ଣା, ବାଲାକ୍ରିଷ୍ଣନ ଓ ମାଥି ଭାତାନନ । ଏ ପାଂଚ ଅଫିସରଙ୍କ କୋପ ଦୃଷ୍ଟି ଓଡ଼ିଶା ଉପରେ ଥିଲା । ସରକାରୀ ଚାକିରି କରିଥିବା ବେଳେ ପାଣ୍ଡିଆନ ତ ଯାହା ହୁକୁମାତି ଚଳାଉଥିଲେ ପରେ ନବୀନଙ୍କ ପାଖେ ପାଖେ ରହି ମୋଟା ଅଙ୍କର ଟଙ୍କା ହଡପ ପାଇଁ ଚେଷ୍ଟା କରୁଥିଲେ ।

ଗୁରୁତ୍ଵପୂର୍ଣ୍ଣ କଥା ହେଲା, ରାଜ୍ୟରେ ଫାଇଭ-ଟି ବିଭାଗକୁ ନେଇ ଚର୍ଚ୍ଚା ଜୋର ଧରିଥିଲା । କାରଣ ବେଆଇନ ହିସାବରେ ଏ ବିଭାଗକୁ ଚଳାଉଥିଲେ ରାଜ୍ୟ ସରକାର । ତେଣୁ ବିଭାଗକୁ ତୁରନ୍ତ ବନ୍ଦ କରିବାକୁ ଦାବି ହୋଇଥିଲା । ଏବେ ଜନସାଧାରଣଙ୍କର କଥା ବୁଝିଛନ୍ତି ନୂଆ ସରକାର, ଫାଇଭି-ଟିକୁ ବନ୍ଦ କରିଛନ୍ତି । ସମୟ କହିବ ଯେଉଁ ଅଫିସରମାନେ ଲୁଟ୍‌ପାତ କରିଛନ୍ତି ସେମାନଙ୍କ ବିରୋଧରେ କେବେ ହେଉଛି କାର୍ଯ୍ୟାନୁଷ୍ଠାନ ।

Argus News: ଓଡ଼ିଶାର ଖବର | Breaking News, ରାଜନୀତି, କ୍ରୀଡ଼ା ଓ Live TV