କୋରାପୁଟ ସହିଦ ଲକ୍ଷ୍ମଣ ନାୟକ ମେଡିକାଲରେ 7ଜଣ ରୋଗୀଙ୍କ ମୃତ୍ୟୁ ଘଟଣାରେ 4 ମୃତକଙ୍କ ପରିବାରର ଅଭିଯୋଗ ହେଲା ଭୁଲ ଇଞ୍ଜେକସନ ଯୋଗୁଁ ଏହି ଘଟଣା ଘଟିଛି । ଗତକାଲି ବିଳମ୍ବିତ ରାତିରେ ମେଡିକାଲର ସର୍ଜରୀ ବିଭାଗରେ ନର୍ସ ଙ୍କ ଭୁଲ ଇଞ୍ଜେକ୍ସନ ପାଇଁ ଆସିୟୁ ରେ 4 ରୋଗୀ ଓ ବେଡ଼ ରେ 2 ରୋଗୀ ଙ୍କ ଜୀବନ ଚାଲି ଯାଇଥିବା ପରିବାର ଲୋକେ କହିଛନ୍ତି ।

ଏଫଟେ ଘଟଣାର ତଦନ୍ତ ପାଇଁ ଆସୁଛନ୍ତି DMETର ପାଞ୍ଚ ଜଣିଆ ଟିମ । MKCG ରୁ ୩ ଜଣ ଓ SCBରୁ ୨ ଜଣିଆ ଟିମ୍ ସହିଦ ଲଷ୍ମଣ ନାୟକ ମେଡିକାଲ କଲେଜ ଯାଇ ଫୁଙ୍ଖାନୁପୁଙ୍ଖ ତଦନ୍ତ କରିବେ । ଆସନ୍ତାକାଲି ସୁଦ୍ଧା ରିପୋର୍ଟ ଦେବାକୁ ନିର୍ଦ୍ଦେଶ ଦିଆଯାଇଥିବା ସୂଚନା ଦେଇଛନ୍ତି ଡିଏମଇଟି ନିର୍ଦ୍ଦେଶକ । କୋରାପୁଟ ଜ଼ିଲ୍ଲାପାଳ ଭି କୀର୍ତ୍ତି ଭାସନ କହିଛନ୍ତି କମିଟି ରିପୋର୍ଟ ଆସିଲେ କାର୍ଯ୍ୟାନୁଷ୍ଠାନ ନିଆଯିବ l ସହିଦ ଲକ୍ଷ୍ମଣ ନାୟକ ମେଡିକାଲ କଲେଜ ଓ ହସ୍ପିଟାଲ ର ଅଧିକ୍ଷକ କହିଛନ୍ତି ପ୍ରାଥମିକ ତଦନ୍ତରେ ମେଡିକାଲ କର୍ତ୍ତୃପକ୍ଷଙ୍କ ତରଫରୁ କୌଣସି ଅବହେଳା ହୋଇନାହିଁ । ଔଷଧ ଓ ଇଞ୍ଜେକେସନ କୁ ସିଜ କରି ଅଣାଯାଇଛି । ଲ୍ୟାବ ଟେଷ୍ଟପାଇଁ ପଠାଯିବ ।

ତେବେ ଏହି ଘଟଣାକୁ ନେଇ ରାଜନୈତିକ ବୟାନବାଜି ଆରମ୍ଭ ହୋଇଯାଇଛି ।ଅନ୍ୟପଟେ ମୃତକଙ୍କ ପରିବାରକୁ ଜିଲ୍ଲା ପ୍ରଶାସନ ପକ୍ଷରୁ ୧୦ ହଜାର ଲେଖାଏଁ ପ୍ରଦାନ କରାଯାଇଛି ।