Cuttack / ଏବେ ବି କଡା ସୁରକ୍ଷା ବଳୟରେ କଟକ

ସୋସିଆଲ୍ ମିଡିଆରେ ଗୁଜବ ସୃଷ୍ଟି କରୁଥିବା ବ୍ୟକ୍ତିଙ୍କୁ ସିପିଙ୍କ କଡ଼ା ଚେତାବନୀ । ଆବଶ୍ୟକ ହେଲେ ଦେଶଦ୍ରୋହ ମାମଲା ରୁଜୁ କରାଯିବ କହିଲେ ପୋଲିସ କମିଶନର । ଏବେ ବି କଡା ସୁରକ୍ଷା ବଳୟରେ ରହିଛି କଟକ । ଦରଘାବଜାର, କଦମରସୁଲ ଓ ହାତିପୋଖରୀ ଅଂଚଳରେ ପଇଁତରା ମାରୁଛି ପୋଲିସ । ଶୁକ୍ରବାର କଦମୀରସୁଲ ପରିସରରେ ଥିବା ମସଜିଦରେ ନମାଜ ପାଠ ପୂର୍ବରୁ ପହଁଞ୍ଚିଥିଲେ ଖୋଦ ପୋଲିସ କମିଶନର ,ଅତିରିକ୍ତ ପୋଲିସ କମିଶନର ଓ ଡିସିପି ।

ଆହୁରି ପଢନ୍ତୁ Curfew In Cuttack / କଟକର ୧୩ ଥାନା ଅଞ୍ଚଳରେ କର୍ଫ୍ୟୁ; ଆଇନ୍‌ ଶୃଙ୍ଖଳା ADG କହିଲେ 'ଚିହ୍ନଟ ହୋଇଛନ୍ତି ହିଂସାକାରୀ'

ସାମାଜିକ ଗଣମାଧ୍ୟମରେ ଶୋଭାଯାତ୍ରା ବାହାରିବା ନେଇ ଗୁଜବ ସୃଷ୍ଟି ହେଉଥିବାରୁ ସମ୍ବେଦନଶୀଳ ଅଞ୍ଚଳରେ ବ୍ୟାପକ ପୋଲିସ ମୁତୟନ କରାଯାଇଛି । ସୁରକ୍ଷା ଦୃଷ୍ଟିରୁ ଛକ ଛକରେ ଜଗିଛି ପୋଲିସ । ସୋସିଆଲ ମିଡିଆରେ ଘୁରି ବୁଲୁଥିବା ଗୁଜବକୁ ବିଶ୍ଵାସ ନ କରିବାକୁ ଅପିଲ୍ କରିଛନ୍ତି ପୋଲିସ କମିଶନର । ସହରରେ ଏବେ ସ୍ବାଭାବିକ ରହିଛି ସ୍ଥିତି । ଭଷାଣ ରାତି ଗଣ୍ଡଗୋଳ ପରେ ରାଲିରେ ଉତ୍ତେଜନା ଓ ଗୁଜବକୁ ମିଶାଇ ମୋଟ 30ଜଣ ଗିରଫ ହୋଇଛନ୍ତି। ଯେଉଁମାନେ ସୋସିଆଲ ମିଡ଼ିଆରେ ଅପ ପ୍ରଚାର କରୁଥିବା ଅଭିଭାବକମାନଙ୍କୁ କଡ଼ା ଚେତାବନୀ ଦେଇଛନ୍ତି ସିପି ।

ଆହୁରି ପଢନ୍ତୁ Cuttack Clash / କଟକରେ ଫେରୁଛି ଶାନ୍ତି, ବାହାରୁ ଲୋକ ଆସି କରିଥିଲେ ବିଶୃଙ୍ଖଳା

ସୋସିଆଲ ମେଡିଆରେ ଗୁଜବ କରୁଥିଲେ ଲାଗିବ ଦେଶଦ୍ରୋହ ମାମଲା । ନିଜ ପିଲାଙ୍କୁ ଏହି ସବୁ କାର୍ଯ୍ୟରୁ ନିବୃତ ରଖନ୍ତୁ, ନଚେତ ସେମାନଙ୍କ ଭବିଷ୍ୟତ ଖରାପ ହେବା ସହିତ ଚାକିରି ମିଳିବାରେ ଅସୁବିଧା ହୋଇପାରେ ବୋଲି କହିଛନ୍ତି ସିପି ।

ତେବେ ଦଶହରା ପରେ ମାଆ ଦୁର୍ଗାଙ୍କ ଭସାଣି ବେଳେ ହାତୀ ପୋଖରୀ ଛକରେ ହୋଇଥିଲା ଗୋଷ୍ଠୀ ସଂଘର୍ଷ । ଏହା ପରେ କଟକ ଅଶାନ୍ତ ହୋଇଥିବା ବେଳେ ସ୍ଥିତି ନିୟନ୍ତ୍ରଣକୁ ଆଣିବା ପାଇଁ କର୍ଫ୍ୟୁ ଲାଗିଥିଲା । ରବିବାର ରାତି ୧୦ଟାରୁ ୩୬ ଘଣ୍ଟା ଯାଏଁ କର୍ଫ୍ୟୁ ଲାଗିଥିଲା ।