ସାରା ଦେଶରେ ଖସୁଛି ମାଓବାଦୀଙ୍କ ଗ୍ରାଫ। ୮କୁ ଖସିଲା ମାଓ ପ୍ରବଣ ଜିଲ୍ଲା। ଛତିଶଗଡ଼ର ୬ଟି ଜିଲ୍ଲା, ଝାଡ଼ଖଣ୍ଡର ଗୋଟିଏ ଜିଲ୍ଲା ମାଓପ୍ରବଣ। ଓଡ଼ିଶାର କେବଳ କନ୍ଧମାଳ ଜିଲ୍ଲା ମାଓ ପ୍ରଭାବିତ ରହିଛି । ସଂସଦରେ ଲିଖିତ ଉତ୍ତର ରଖିଲେ ଗୃହମନ୍ତ୍ରୀ ନିତ୍ୟାନନ୍ଦ ରାୟ ।

ସେପଟେ ମାଲକାନଗିରିରେ ଏରିଆ କମିଟି ମେମ୍ବର ସୁଖରାମ ମର୍କମ କଲା ଆତ୍ମସମର୍ପଣ। ଦୀର୍ଘ ବର୍ଷ ଧରି ମାଓ ସଂଗଠନ ରେ କାର୍ଯ୍ୟ କରୁଥିଲା ସୁଖରାମ । ଆତ୍ମସମର୍ପଣ ସମୟରେ ଏସଏଲଆର ରାଇଫଲ ଓ 12 ଟି 7.62 mm ଜୀବନ୍ତ ଗୁଳି, ଦୁଇଟି 2 kg ଓଜନର ଆଇଡି 10 ମିଟର kardex wire ସମେତ ବିପୁଲ ପରିମାଣ ର ମାଓ ସାମଗ୍ରୀ ପୋଲିସ କୁ ହସ୍ତାନ୍ତର କଲା ସୁଖରାମ । 2010 ରୁ ମାଓ ସଂଗଠନ ରେ କାର୍ଯ୍ୟ କରୁଥିବା ବେଳେ ଉଭୟ ମାଲକାନଗିରି ଓ ଛତିଶଗଡ଼ ର ବିଭିନ୍ନ ହିଂସା ରେ ଜଡିତ ଥିଲା ସୁଖରାମ । ସୁକରାମ ମୁଣ୍ଡ ଉପରେ ଥିଲା ୨୧ ଲକ୍ଷର ପୁରସ୍କାର। ଓଡ଼ିଶା, ଛତିଶଗଡ଼ରେ ବିଭିନ୍ନ ହିଂସାକାଣ୍ଡରେ ସାମିଲ ଥିଲା ସୁକରାମ।

ମାଓବାଦୀ ଓ ନକ୍ସଲ ପ୍ରଭାବିତ ଅଂଚଳରେ ବିକାଶକୁ ରୋକିବାକୁ ସେମାନେ ପାରୁ ପର୍ଯ୍ୟନ୍ତ ଉଦ୍ୟମ କରୁଥିଲେ । କେତେବେଳେ ରାସ୍ତାବନ୍ଦ କରୁଥିଲେ ତ କେତେବେଳେ ସ୍କୁଲ ଖୋଲିବାକୁ ଖୋଲାଖୋଲି ମନା କରୁଥିଲେ । ରୋଗୀ ସେବା ପାଇଁ ହସ୍ପିଟାଲନିର୍ମାଣରେ ସେମାନେ ବାଧା ଉପୁଜାଉଥିଲେ । ଡାକ୍ତରମାନଙ୍କୁ ଧମକ ଦେବା ସହ ଅନେକ ସ୍ଥାନରେ ମୋବାଇଲ ଟାଓ୍ବାର ଉଡାଇ ଦେଉଥିଲେ । କିନ୍ତୁ ସେମାନେ ଏବେ ହିଂସା ଛାଡି ନୂଆ ବିକାଶ ପ୍ରକ୍ରିୟାରେ ସାମିଲ ହେଉଛନ୍ତି । ଅପହଞ୍ଚ ଇଲାକାକୁ ଯୋଡୁଛି ରାସ୍ତା । ସ୍କୁଲ ଓ ହସ୍ପିଟାଲ ନିର୍ମାଣ ଦ୍ବାରା ସ୍ଥାନୀୟ ଅଂଚଳର ଶିଶୁମାନଙ୍କ ପାଇଁ ନୂଆ ସମ୍ଭାବନା ସୃଷ୍ଟି ହୋଇଛି ବୋଲି କହିଛନ୍ତି ବୁଦ୍ଧିଜୀବୀ।

ଏବେ ମାଓବାଦୀଙ୍କୁ ନିସ୍ତାର ନାହିଁ । କ୍ରମାଗତ ଭାବେ ଗୋଟିଏ ପରେ ଗୋଟିଏ ମୁଣ୍ଡ ଗଡିବା ପରେ ଏବେ ବଡ଼ ବଡ଼ ନକ୍ସଲ କମାଣ୍ଡର ଆତ୍ମସମର୍ପଣ ମଧ୍ୟ କରୁଛନ୍ତି । କାହିଁକି ନା ସେମାନେ ଜାଣିସାରିଛନ୍ତି , ଆଗକୁ ସ୍ଥିତି ଆହୁରି ସଙ୍ଗୀନ ହେବ । କେନ୍ଦ୍ର ସରକାରଙ୍କ ନକ୍ସଲଙ୍କ ବିରୋଧରେ କଡା ଆଭିମୁଖ୍ୟ ରହିଥିବାରୁ ଏବେ ମାଓବାଦୀ ଶେଷ ନିଶ୍ବାସ ନେଉଛନ୍ତି । ପ୍ରତିଟି ନକ୍ସଲ ଅପରେସନକୁ ମିଳୁଛି ବଡ଼ ସଫଳତା