ସମୁଦ୍ର ମୁହାଁ କୁନି ଅଲିଭ ରିଡଲେ ଶାବକ । ଅଣ୍ଡାରୁ ଛୁଆ ବାହାରିବା ପରେ ନିଜ ପଥକୁ ଫେରୁଛନ୍ତି କୁନି କୁନି ଶାବକ । ଗଞ୍ଜାମ ଜିଲ୍ଲାର ଋଷିକୁଲ୍ୟା ମୁହାଁଣ ଅଚଂଳ ସମୁଦ୍ର ବେଳାଭୂମିରୁ ଅଲିଭ ରିଡେଲ ସାମୁଦ୍ରିକ କଈଁଛ ଅଣ୍ଡାରୁ ଛୁଆ ଫୁଟିବା ଆରମ୍ଭ ହୋଇଛି । ଦୈନିକ ଏବେ ଅଣ୍ଡାରୁ ଛୁଆ ବାହାରି ସମୁଦ୍ର ମୁହାଁ ହେଉଛନ୍ତି ଏହି କୁନି ଶାବକ । ଗତ ନଭେମ୍ବରରୁ ଜାନୁଆରୀରେ ସମୁଦ୍ରରେ ମିଳନ ପରେ ଋଷିକୁଲ୍ୟା ମୁହାଣ ନିକଟରେ ଦୁଇଟି ପର୍ଯ୍ୟାୟରେ ଗଣ ଅଣ୍ଡାଦାନ କରିଥିଲେ ।

ଅଣ୍ଡା ଦାନର ୪୫ ଦିନ ପରେ ଛୁଆ ଫୁଟିବା ଆରମ୍ଭ ହୋଇଛି । ସୁଦୂର ଦେଶରୁ ହଜାର ହଜାର କିଲୋମିଟର ଅତିକ୍ରମ କରି ଏନ୍ତୁଡିଶାଳ ଗଞ୍ଜାମ ଋଷିକୁଲ୍ୟା ମୁହାଣ ନିକଟକୁ ଆସି ଅଣ୍ଡାଦାନ କରି ବାଲିରେ ପୋତି ମା' ଅଲିଭ ରିଡେଲ କଇଁଛ ସମୁଦ୍ରରେ ଚାଲି ଯାଇଥାଏ । ଛୁଆ ବାହାରିବା ପରେ କୁନି ଶାବକମାନେ ମଧ୍ୟ ସମୁଦ୍ରକୁ ଚାଲିଯାଇଥାନ୍ତି । ଚଳିତ ବର୍ଷ ରେର୍କଡ ସଂଖ୍ୟକ ଦୁଇ ଥର ୯ ଲକ୍ଷ ୪ ହଜାର ୫୧୭ ଗଣ ଅଣ୍ଡାଦାନ ହୋଇଥିବା ବନ ବିଭାଗ ପକ୍ଷରୁ କୁହାଯାଇଛି । ଏମାନଙ୍କ ସୁରକ୍ଷା ପାଇଁ ବନ ବିଭାଗ ସଜାଗ ରହିଛି । ମିଳନ ଠାରୁ ଅଣ୍ଡାରୁ ଛୁଆ ବାହାରିବା ପର୍ଯ୍ୟନ୍ତ ସେମାନଙ୍କ ସୁରକ୍ଷାରେ ଲାଗିପଡିଛନ୍ତି ବନ ବିଭାଗ କର୍ମଚାରୀମାନେ ।

ପ୍ରଥମ ପର୍ଯ୍ୟାୟରେ ହୋଇଥିବା ଅଣ୍ଡାଦାନରେ ଏବେ କୁନି କୁନି ଶାବକକୁ ଗୋଟିଏ ସ୍ଥାନରେ ଏକାଠି କରି ସେମାନଙ୍କୁ ସମୁଦ୍ରକୁ ଛଡାଯାଉଥିବା ଦେଖିବାକୁ ମିଳିଛି । ଚଳିତ ବର୍ଷ ଦିନବେଳେ ମଧ୍ୟ ଗଣଅଣ୍ଡାଦାନ ହେଉଥିବା ଦେଖିବାକୁ ମିଳିଥିଲା । ପୋଡମପେଟା ଅଚଂଳର ୫ କିମି ବେଳାଭୂମିକୁ ଅଲିଭ ରିଡେଲ ସୁରକ୍ଷା ପାଇଁ ବ୍ୟାରିକେଟ୍ ମଧ୍ୟ କରାଯାଇଛି ।

Argus News | argus news | Odisha Latest News, Breaking News, Trending News, Live TV