ନୂଆପଡ଼ା ଖଡ଼ିଆଳର ଵୃଦ୍ଧ ଟଙ୍କଧର ବଗର୍ତ୍ତୀ ଏବଂ ତାଙ୍କ ସ୍ତ୍ରୀ ସରୋଜିନୀ ବଗର୍ତି । ବୟସ ପାଖାପାଖି 70 । ହେଲେ ଆଜି ଯାଏଁ ବାର୍ଦ୍ଧକ୍ୟ ଭତ୍ତା ପାଇବାରୁ ବଂଚିତ । ଯୋଗ୍ୟ ହିତାଧିକାରୀ ହୋଇଥିଲେ ମଧ୍ୟ ଭତ୍ତା ଦେବାରେ ଫେଲ ପୂର୍ବ ବିଜେଡି ସରକାର । ଭତ୍ତା ପାଇଁ ନେତା ଠୁ ପ୍ରଶାସନ ସମସ୍ତଙ୍କ ପାଖରେ ଗୁହାରୀ କରିଛନ୍ତି । ହେଲେ ଫଳ ଶୂନ । ଭିକ ମାଗିଲେ ଘରେ ଚୁଳି ଜଳୁଛି ।

ବାର୍ଦ୍ଧକ୍ୟ ଭତ୍ତା ପାଇଁ ବାରମ୍ବାର ଆବେଦନ କରିଥିବା କହିଛନ୍ତି ଦମ୍ପତି l ହେଲେ ସ୍ୱାମୀ ସ୍ତ୍ରୀ କାହାକୁ ବି ସାମିଲ କରାଯାଇନି l ପୁଅ ବହୁ ବାହାରେ ରହୁଥିବାରୁ ଅର୍ଥ ଅନଟନ ଭିତରେ ବହୁ କଷ୍ଟରେ କଟୁଛି ଜୀବନ । ଖାଲି ଭତ୍ତା ନୁହେଁ, ସରକାରୀ ଯୋଜନାରୁ ବି ବଞ୍ଚିତ ହୋଇଛନ୍ତି ଏମାନେ । ଖଡ଼ିଆଳ ବିଡିଓ କହିଛନ୍ତି, ସମସ୍ୟା ଉପରେ ଗୁରୁତ୍ୱ ଦେବେ।

ବାର୍ଦ୍ଧକ୍ୟ ଭତ୍ତା ଦେବା ପାଇଁ ଯୋଗ୍ୟ ଅଯୋଗ୍ୟ ବାଛି ପାରିଲେ ନାହିଁ ପୂର୍ବ ସରକାର l ଆଉ ସମସ୍ୟା ଭୋଗୁଛନ୍ତି ତୁକୁଳା ଗାଁର ଏହି ସ୍ୱାମୀ ସ୍ତ୍ରୀ l ଏବେ ବିଜେପି ସରକାରଠୁ ଆଶା, ଗୁହାରୀ ଶୁଣିବେ। ଖୁବଶୀଘ୍ର ମିଳିଯିବ ଭତ୍ତା ଓ ଅନ୍ୟ ସରକାରୀ ଯୋଜନାର ଲାଭ ।