ଯୁଆଡେ ଦେଖିବ ନର୍ଦ୍ଦମା ପାଣି,ସ୍ମାର୍ଟ ସିଟିର ଧଜ୍ଜିଆ ଉଡାଇଦେଲା ଲଗାଣ ବର୍ଷା । ୱାର୍ଡ ନମ୍ବର ୪୫ ବରଗଡ଼ କେନାଲ ରୋଡରେ,ଗୁରୁବାର କେନାଲ ଦବି ଯିବା ଫଳରେ ଘରେ ପଶିଥିଲା ଅପରିଷ୍କାର ପାଣି I ୮ରୁ ୧୦ଫୁଟ ଉଚ୍ଚର ପଚା ନର୍ଦ୍ଦମା ପାଣି ଘରେ ପଶିଲା । ରାତି ତମାମ ଅନିଦ୍ରା ହୋଇ ହନ୍ତସନ୍ତ ହେଲେ ସ୍ଥାନୀୟ ବାସିନ୍ଦା । ସକାଳୁ ସକାଳୁ ବିଭାଗୀୟ ଅଧିକାରୀ ମାନଙ୍କ ସହିତ ଘଟଣାସ୍ଥଳରେ ପହଁଞ୍ଚିଲେ ବିଏମସି କମିଶନର Iବର୍ଷା ହେଲେ ବରଗଡ ଲକ୍ଷ୍ମୀସାଗର ରୋଡରେ ଥିବା ଡ୍ରେନ ନମ୍ବର ୬ ଏବଂ ଦୟା ୱେଷ୍ଟ କେନାଲ ପାଣି ନିଷ୍କାସନକୁ ନେଇ ସମସ୍ୟା ଉପୁଜୁଛି I ବାରମ୍ବାର ଅଭିଯୋଗ ପରେ ମଧ୍ୟ ଜଳ ସମ୍ପଦ ବିଭାଗ ଶୁଣୁନଥିବା ଅଭିଯୋଗ ହୋଇଛି ।

BMC କମିଶନର , ଜଳ ସମ୍ପଦ ବିଭାଗର ସର୍ବୋଚ୍ଚ ଯନ୍ତ୍ରୀଙ୍କ ସମେତ ସିଟି ଇଂଜିନିୟର ପ୍ରମୁଖ ପହଞ୍ଚି ସ୍ଥିତି ଅନୁଧ୍ୟାନ କରିଥିଲେ । ଏହି ସମୟରେ କମିସନରଙ୍କୁ ଘେରି ଯାଇଥିଲେ ସାଧାରଣଲୋକେ। ୧୯୬୩ମସିହାରେ ତିଆରି ହୋଇଥିବା ସାଇଫନ ଦେଇ ସହରର ସମସ୍ତ ଡ୍ରେନ ପାଣି ନିଷ୍କାସିତ ହୋଇଥାଏ । ସେପଟେ ଜଳବନ୍ଦୀ ପରିସ୍ଥିତିକୁ ଏଡାଇବା ପାଇଁ BMC ସବୁ ପ୍ରକାର ବ୍ୟବସ୍ଥା କରୁଛି ।

ସେଠାରେ ଥିବା ସାଇଫନକୁ କିଭଳି ରିପାରିଙ୍ଗ କରାଯିବ ସେଥିପାଇଁ ଚିଫ୍ ଇଞ୍ଜିନିୟରଙ୍କ ସହ କଥା ସରିଛି । ସେ ଉପରେ ପ୍ଲାନିଂ ହୋଇ କାମ ହେବ ବୋଲି କହିଛନ୍ତି ବିଏମସି କମିସନର ।ଜଳବନ୍ଦୀ ପରିସ୍ଥିତିରେ ହନ୍ତସନ୍ତ ହେଉଥିବା ରାଜଧାନୀ ବାସିନ୍ଦାଙ୍କ ସମସ୍ୟାର ସ୍ଥାୟୀ ସମାଧାନ ଜରୁରୀ ହୋଇପଡିଛି ।