ପାତ୍ରପଡା ଅଞ୍ଚଳରେ ଦୁଇଜଣ ଯୁବକଙ୍କୁ ମରଣାନ୍ତକ ଆକ୍ରମଣ
ରାଜଧାନୀରେ ବୁଲିଲା ଖଣ୍ଡା । ଭୁବନେଶ୍ବର ପାତ୍ରପଡା ଅଞ୍ଚଳରେ ଦୁଇଜଣ ଯୁବକଙ୍କୁ ମରଣାନ୍ତକ ଆକ୍ରମଣ । ଗୁରୁତର ଆହତ ଅବସ୍ଥାରେ AIMS ମେଡିକାଲରେ ଭର୍ତ୍ତି । ଘଟଣାସ୍ଥଳରେ ତମାଣ୍ଡୋ ଥାନା ପୋଲିସର ଛାନଭିନ୍ । ମାରଣାସ୍ତ୍ରରେ ଦୁର୍ବୁତ୍ତ ମାନେ ଆକ୍ରମଣ କରିଥିବା ଅଭିଯୋଗ । କାହିଁକି, କିଏ ଏଭଳି ଆକ୍ରମଣ କଲା ତାର କାରଣ ଅସ୍ପଷ୍ଟ ରହିଛି ।
ତେବେ ଏହା ପ୍ରଥମ ଥର ନୁହେଁ ପୂର୍ବରୁ ମଧ୍ୟ ଏମିତି ଅନେକ ଘଟଣା ସାମନାକୁ ଆସିଛି । ଯେଉଁଠି ଦୁର୍ବୃତ୍ତମାନେ ଦିନ ଦି ପହରରେ ଆକ୍ରମଣ କରିବାକୁ ପଛାଉନାହାନ୍ତି । ଚୋରି , ମର୍ଡର ଭଳି ଘଟଣା ରାଜଧାନୀରେ ଯେମିତି ନିତିଦିନିଆ ଖବର ପାଲଟିଲାଣି । କେଉଁଠି କିଏ ଚେନ୍ ଝାମ୍ପି ନେଉଛି ତ କିଏ ଗୋଡେଇ ଗୋଡେଇ ହାଣୁଛି ।
📱 Get Argus News App
✨ନିକଟରେ ରସୁଲଗଡ ଓଭରବ୍ରିଜ୍ ରେ ହୋଇଥିବା ହତ୍ୟା ଘଟଣା ରାଜଧାନୀବାସୀଙ୍କ ମନରୁ ଲିଭି ନଥିବାବେଳେ ଏବେ ପୁଣି ସେହିଭଳି ଏକ ମରଣାତ୍ମକ ଆକ୍ରମଣ ।
ଭୁବନେଶ୍ୱର ଏବେ ସମସ୍ତଙ୍କ ପ୍ରଥମ ପସନ୍ଦ ପାଲଟିଛି । ଭୁବନେଶ୍ୱରରେ ରହିବାକୁ ଲୋକେ ବେଶୀ ପସନ୍ଦ କରୁଥିବାବେଳେ ଏହିଭଳି ଘଟଣା ଏବେ ସମସ୍ତଙ୍କ ମନରେ ଭୟ ସୃଷ୍ଟି କରିଛି ।