ଦଇତାପତି ନିଯୋଗ ସମ୍ପାଦକ ରାମକୃଷ୍ଣ ଦାସ ମହାପାତ୍ରଙ୍କ ନାଁରେ ଶ୍ରୀମନ୍ଦିର ସିଂହଦ୍ଵାର ଥାନାରେ ଏତଲା । ପୁରୀ ସତ୍ୟ ନଗରର ସୂଚନା ଅଧିକାର କର୍ମୀ ଜୟନ୍ତ ଦାଶ ଏହି ଏତଲା ଦେଇଛନ୍ତି । ରାମକୃଷ୍ଣ ଦାସ ମହାପାତ୍ର ଶ୍ରୀମନ୍ଦିର ପ୍ରଶାସନର ବିନା ଅନୁମତିରେ ନବକଳେବର ବଳକା ଦାରୁ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କୁ ବିକିଥିବା ଅଭିଯୋଗରେ ସେ ଉଲ୍ଲେଖ କରିଛନ୍ତି । ବିଏନ୍ ଏସର ବିଭିନ୍ନ ଦଫାରେ ମାମଲା ରୁଜୁ ପାଇଁ ଅନଲାଇନ୍ ଏତଲାରେ ଉଲ୍ଲେଖ । ସେପଟେ ବିବାଦୀୟ ଦଇତାପତି ନିଯୋଗ ସମ୍ପାଦକ ରାମକୃଷ୍ଣ ଦାସ ମହାପାତ୍ରଙ୍କ ସହ ଆଜି ଦିନ 11ଟାରେ ଶ୍ରୀମନ୍ଦିର ପ୍ରଶାସନର ରହିଛି ଆଲୋଚନା। 

ନିଯୋଗର ସଭାପତି ମଧ୍ୟ ଆଲୋଚନାରେ ଉପସ୍ଥିତ ରହିବେ । ଶ୍ରୀମନ୍ଦିର ଭିତରୁ ନବକଳେବର ସମୟରେ ବଳକା ଦାରୁରେ ଚତୁର୍ଦ୍ଧାବିଗ୍ରହଙ୍କୁ ନିର୍ମାଣ କରି ପ୍ରତିଷ୍ଠା କରିଥିବା ନେଇ ବେଙ୍ଗଲୀ ଗଣମାଧ୍ୟମକୁ ପ୍ରତିକ୍ରିୟା ଦେଇଥିଲେ ଟିକିପୁଅ ଓରଫ୍ ରାମକୃଷ୍ଣ ଦାସ ମହାପାତ୍ର । ପରେ ସାମ୍ବାଦିକ ସମ୍ମିଳନୀରେ ନିଜ କଥାକୁ ଖଣ୍ଡନ କରିଥିଲେ ।