ବାପାଙ୍କ ପାଇଁ ଗାଁ ଗାଁ ବୁଲି ଭିକ ମାଗୁଛନ୍ତି କୁନି ଝିଅ
ଆଖିରେ ଆଖିଏ ଲୁହ... ପାଞ୍ଚଦିନ ହେଲା ଘରେ ଚୁଲି ଜଳିନି... ମାଗି ଯାଚି ଯାହା ମିଳୁଛି ତାକୁ ଖାଉଛନ୍ତି । ଜୀବନ ମରଣ ସହ ମେଡ଼ିକାଲ ବେଡ୍ ରେ ସଂଗ୍ରାମ କରୁଛନ୍ତି ବାବା ବିକାଶ ପସାଏତ । ଯେଉଁଥିପାଇଁ ଝିଅ ଛାତି ଫଟେଇ କାନ୍ଦୁଛି । ଖାଲି ଦୁଇ ଝିଅ ନୁହନ୍ତି ବିକାଶଙ୍କ ପାଇଁ ପୁରା ଗାଁ କାନ୍ଦୁଛି ।
ଘରେ ବୁଢ଼ା ବାପା-ମା' କୁ ଛାଡ଼ିଦେଲେ ଆଉ କେହି ନାହାନ୍ତି । ଦୁଇ ପିଲାଙ୍କୁ ଧରି ପୁଅର ଫେରିବା ବାଟକୁ ଅପେକ୍ଷା କରିଛି ଏହି ବୁଢା ବାପାଟି । ଗୋଟିଏ ଜାଗାରେ ମୁକ ହୋଇ ବସି ରହିଛି । ଯାହା ପଇସା ଥିଲା 5 ଦିନ ହେଲା ମେଡ଼ିକାଲରେ ଖର୍ଚ୍ଚ ହୋଇଗଲାଣି । ଡାକ୍ତର କହୁଛନ୍ତି 20 ରୁ 25 ଲକ୍ଷ ଟଙ୍କା ଦରକାର । ଏତେ ଟଙ୍କା ଆଣିବେ କେଉଁଠୁ ।
📱 Get Argus News App
✨ନିଜ ଗାଁ ର ଭାଇକୁ ବଞ୍ଚାଇବା ପାଇଁ ଗାଁ ଗାଁ ବୁଲି ଭିକ୍ଷା କରୁଛନ୍ତି ସାଙ୍ଗ ସାଥୀ । ଯିଏ ଯାହା ପାରିଲା ବଢେଇ ଦେଉଛନ୍ତି । ରଙ୍ଗ କାମ କରି ନିଜର ପରିବାର ପ୍ରତି ପୋଷୋଣ କରୁଥିଲେ କୁଜଙ୍ଗ ବ୍ଲକ ବିଶ୍ବାଳି ଗାଁ ର ବିକାଶ ପ୍ରସାଦ । ଦିନେ ନିଜର ସାଙ୍ଗ ସହ ରଙ୍ଗ କାମ ବୁଝିବା ପାଇଁ ବାହାରି ଯାଇଥିଲେ ଜଗତସିଂହପୁର । ହେଲେ ଜାଣି ନଥିଲେ ଏତେ ବଡ ଅଘଟଣ ହବ ବୋଲି । କୁହାଯାଉଛି କୁହୁଡିରେ ରାସ୍ତା ଦେଖା ନଯିବାରୁ ଦୁଇ ଷଣ୍ଢଙ୍କ ସହ ଗାଡି ପିଟି ହୋଇଯିବାରୁ ମୁଣ୍ଡରେ ମାଡ ବାଜିଥିଲା । ଆଉ ତା ପରେ ଏକ ବେସରକାରୀ ଡାକ୍ତରଖାନାରେ ତାଙ୍କର ଚିକିତ୍ସା ଚାଲିଛି । ମୁଣ୍ଡ ଅପରେସନ ହେବା ପରେ ଡାକ୍ତରମାନେ କହୁଛନ୍ତି ଆହୁରି ଟଙ୍କା ଦରକାର । ଏଥିପାଇଁ ସାଙ୍ଗ ସାଥୀମାନେ ଘର ଘର ବୁଲି ଯାହା ମିଳୁଛି ତାକୁ ହସ୍ପିଟାଲକୁ ପଠାଉଛନ୍ତି ।
ସେପଟେ ପରିସ୍ଥିତି ଏମିତି ହୋଇଛି ଯେ, ଛାତିକୁ ପଥର କରିସାରିଲେଣି ଦୁଇ ଝିଅ । ବାପା କେମିତି ଭଲ ହୋଇ ଆସିବେ ତାକୁ ଅନାଇ ବସିଛନ୍ତି । ଯିଏ ଏଇ କଥା ଶୁଣୁଛି ଆଖିରେ ଲୁହ ରହୁନି । କେମିତି ଭଲ ହବ ବିକାଶ ସେଥିପାଇଁ ପୁରା ଗାଁ ଚିନ୍ତିତ ।
ଯେଉଁ ସହ ହୃଦୟ ଵ୍ୟକ୍ତ ତାଙ୍କୁ ସାହାଯ୍ୟ କରିବା ପାଇଁ ଚାହାନ୍ତି । ଏହି ଆକାଉଣ୍ଟରେ ସାହାଯ୍ୟ କରିପାରିବେ ।
Name- Nirmala pashayat
Bank Name- Punjab National Bank
Account No -7643001700012446
MICR Code - 754024504