ସୁନ୍ଦରଗଡ଼ ସରଣ୍ଡା ଜଙ୍ଗଲ ଭିତରୁ ୪ ଟନ୍ ବିସ୍ଫୋରକ ଲୁଟ୍ ହେବା ଘଟଣା ପୁଲିସର ନିଦ ହଜାଇ ଦେଇଛି । ରାଜ୍ୟର ଏତେ ବଡ ବିସ୍ଫୋରକ ଲୁଟ୍‌ ଘଟଣାରେ ଖୋଦ ପୁଲିଜ ଡିଜି କଟକରୁ ଆସି ବରିଷ୍ଠ ଅଧିକାରୀଙ୍କ ସହ ଘଟଣାସ୍ଥଳ ଅନୁଧ୍ୟାନ କରିଛନ୍ତି । ତେବେ ଗତକାଲି ପୁଣି ୨ଟି ଗାଡ଼ିରେ ବିପୁଳ ପରିମାଣର ବିସ୍ଫୋରକ ଜବତ ହୋଇଛି। ବିସ୍ଫୋରକ ଭର୍ତ୍ତି ଗାଡ଼ି କେଉଁଠୁ ଆସିଥିଲା, କୁଆଡ଼େ ଯାଉଥିଲା ସେନେଇ ଛାନଭିନ ଚାଲିଛି ।

ଦୁଇଟି ଯାକ ଗାଡ଼ିର କୌଣସି କାଗଜ ପତ୍ର ସଠିକ୍ ନଥିବା ଜାଣିବାକୁ ପାଇଛି ପୋଲିସ। ଗତ ୨୭ ତାରିଖରେ ମାଓବାଦୀ ମାନେ କାଣ୍ଡ ଭିଆଇ ଥିବା ବେଳେ ଏବେବି ୪୦ ପ୍ରତିଶତ ବିସ୍ଫୋରକ ସାମଗ୍ରୀ ମିଳିନାହିଁ। ଯାହା ପୋଲିସ ଓ ଜୱନଙ୍କ ପାଇଁ ମୁଣ୍ଡବ୍ୟଥାର କାରଣ ପାଲଟିଛି । ଏସଆଇଟି ଘଟଣାର ତଦନ୍ତ କରୁଛି । ତେବେ କୋଇଡା ଖଣି ଅଞ୍ଚଳକୁ କେମିତି ବିନା ଏସୋପିରେ ବିସ୍ଫୋରକ ଆସୁଛି ତାହା ପ୍ରଶ୍ନବାଚୀ ।