ଦୁର୍ଗମରେ ଅବହେଳିତ ଗାଁ ଗିର୍ଲିଗୁଡା ସହ ଚାରିଖଣ୍ଡ ଗାଁର ଲୋକେ । କୋରାପୁଟ ଜିଲ୍ଲାରେ ଆଜିବି ଏମିତି ଅନେକ ଦୁର୍ଗମ ଅଞ୍ଚଳ ରହିଛି । ଯେଉଁଠି ବର୍ଷ ବର୍ଷ ଧରି ଗାଁକୁ ରାସ୍ତା ସଂଯୋଗ ହୋଇପାରୁ ନାହିଁ । ନିଜ ଭାଗ୍ୟକୁ ଆଦରି ବହୁ କଷ୍ଟରେ ଜୀବନଯାପନ କରୁଛନ୍ତି ଲୋକେ । ଏଭଳି ଏକ ଗାଁ ହେଉଛି କୋରାପୁଟ ପଟ୍ଟାଙ୍ଗି ବ୍ଲକର ଗିର୍ଲିଗୁଡା । ଗାଁରେ ଥିବା ରାସ୍ତା ଅବସ୍ଥା ଅତି ଶୋଚନୀୟ । ସେପଟେ ଏହି ଗାଁ ଦେଇ ପଡୋଷୀ ଲାକାରାୟ, ବଡ଼ଲାକରାୟ, ଚିନ୍ତାଲଗୁଡା ଗାଁ ଲୋକେ ଯାତାୟତ କରିଥନ୍ତି । ଘଞ୍ଚ ଜଙ୍ଗଲ ମଝିରେ ସଂକୀର୍ଣ୍ଣ ପଥୁରିଆ ରାସ୍ତା ଦେଇ ଗାଁକୁ ଯିବାକୁ ପଡେ । ଗାଁରେ ୨୫ ରୁ ୩୦ ପରିବାର ବସବାସ କରୁଥିବା ବେଳେ ସ୍କୁଲ ପିଲା ଠୁ ଆରମ୍ଭ କରି ବୟସ୍କଙ୍କ ପର୍ଯ୍ୟନ୍ତ, ସମସ୍ତଙ୍କର ଗମନାଗମନର ମାଧ୍ୟମ ଏହି ଖାଲଖୋମା ରାସ୍ତା । ଗର୍ଭବତୀ ମହିଳା ଓ ରୋଗୀକୁ ପାହାଡିଆ ରାସ୍ତାରେ କାନ୍ଦରେ ବୋହି ନେବାକୁ ପଡେ ।

ସେହିପରୀ ଚନ୍ଦକା ଗ୍ରାମପଞ୍ଚାୟତ ଗାଁ ଠାରୁ ପାଞ୍ଚ କିଲୋକମିଟ ଦୂର । ପ୍ରତି ମାସ ହିତାଧିକାରୀ ମାନେ ପଞ୍ଚାୟତ ରୁ ଚାଉଳ ଓ ଭତ୍ତା ଆଣିବା ପାଇଁ ଏହି ରାସ୍ତା ଦେଉ ବହୁ କଷ୍ଟରେ ଯିବା ଆସିବା କରିଛନ୍ତି । ଗାଁକୁ ରାସ୍ତା ନଥିବାରୁ ସରକାରୀ ଯୋଜନା ପହଞ୍ଚି ପାରୁନାହିଁ । ସମସ୍ୟା ନେଇ ପ୍ରଶାସନ ଓ ଲୋକପ୍ରତିନିଧିଙ୍କୁ ବରମ୍ବାର ଗୁହାରି କଲେ ବି କେହି ଶୁଣୁ ନାହାନ୍ତି । ତେବେ ଦେଖିବାକୁ ବାକି କେବେ ଏହି ଆଞ୍ଚଳରେ ରାସ୍ତା ସମସ୍ୟା ଦୂର ଦେଉଛି ।