ଜେଲରୁ ଫେରି ବନକର୍ମଚାରୀଙ୍କ ଆକ୍ରମଣ

ଜେଲରୁ ଫେରି ଧମକ ଦେଇଥିଲେ, ଆଉ ସୁଯୋଗ ପାଇ ଘରେ ପଶିଲେ । ଶେଷରେ ଝିଅକୁ ଦୁର୍ବ୍ୟବହାର ସହ ସବୁଜ ବାହିନୀ ବନକର୍ମଚାରୀଙ୍କୁ ଟେଷ୍ଟରରେ ଭୁସିଦେଲେ । ଏଭଳି କିଛି କାଣ୍ଡ ଭିଆଇଛନ୍ତି ଜେଲରୁ ଫେରନ୍ତା ୩ ଶିକାରୀ । କପ୍ତିପଦା ଥାନା ପୋଡାଡିହା ଡାହୀସାହି ଗ୍ରାମରେ ଘଟିଛି ଏଭଳି ଘଟଣା । ଗ୍ରାମର ଭରତ ଶତ୍ରୁ ସାଲ ପୋଡାଡିହା ବନାଞ୍ଚଳରେ ସବୁଜ ବାହିନୀ ଭାବେ କାର୍ଯ୍ୟରତ ଥିଲେ। ଆଜକୁ ୭ ମାସ ପୂର୍ବରୁ ଶିମିଳିପାଳରେ ଶିକାର କରୁଥିବା ଉକ୍ତ ଗ୍ରାମର ୪ ରୁ ଉର୍ଦ୍ଧ ଶିକାରୀଙ୍କୁ ଗିରଫ କରାଯାଇଥିଲା। ଯେଉଁ ଚଢ଼ାଉରେ ଭରତ ଶତ୍ରୁ ସାଲ ସାମିଲ ଥିଲେ।

ତେବେ ଗତକାଲି ରାତି ସମୟରେ ଜେଲ ଫେରନ୍ତା ୩ ଜଣ ଶିକାରୀ ଭରତଙ୍କ ଘରେ ପହଞ୍ଚି ତାଙ୍କ ଝିଅକୁ ଦୁର୍ବ୍ୟବହାର କରିଥିଲେ, ଯାହାକୁ ଭରତ ବିରୋଧ କରିଥିଲେ ଏବଂ ଏକ ଟେଷ୍ଟରରେ ଜଣେ ଶୀକାରୀ ଭରତଙ୍କ ପେଟରେ ଭୁସି ଦେଇଥିଲେ।