ଜାତୀୟ ରାଜପଥରର ଗଡ଼ିଲା ମୁଣ୍ଡ | ରାଞ୍ଚି ବିଜୟୱାଡା 220 ନମ୍ବର ଜାତୀୟ ରାଜପଥରେ ମର୍ମନ୍ତୁକ ସଡକ ଦୁର୍ଘଟଣା | ହାଇଓ୍ୱା ଚଢ଼ିଗଲା । ଦୁର୍ଘଟଣାରେ ବାଇକ ଆରୋହୀ ମୃତ । ରାଜରାସ୍ତାରେ ଖଣ୍ଡ ବିଖଣ୍ଡିତ ହୋଇ ଛିଟିକି ପଡିଛି ମୃତ ଶରୀର । ଖସିଯିବା ଉଦେଶ୍ୟରେ ହାଇବା ହେଭି ଡିଉଟିକୁ ଘୋଷାଡ଼ି ନେଲା ଦୁର୍ଘଟଣା ଘଟାଇଥିବା ସ୍ଥାନରୁ ତିନି କିଲୋମିଟର । ଉତ୍ୟକ୍ତ ଲୋକେ କ୍ଷତି ପୂରଣ ଦାବିରେ ଟାୟାର ଜାଳି ରାଜରାସ୍ତାକୁ କରିଛନ୍ତି ଅବରୋଧ ।

ମୃତ ବ୍ୟକ୍ତି ଜଣକ ବହଳଦା ଥାନା ଅନ୍ତର୍ଗତ ବାସିଙ୍ଗୀ ଗ୍ରାମର ଅନାଦି ସାହୁ ବୋଲି ଜଣା ପଡିଛି । ଦୁର୍ଘଟଣା ଘଟାଇଥିବା JH-05TC-1945 ନମ୍ବର ହାଇଓ୍ୱା ଗାଡିଟି ଟାଟା ଜାମଶେଦପୁର ପଟୁ ରାଇରଙ୍ଗପୁର ଆଡକୁ ଯାଉଥିଲା । OD-11W-9868 ନମ୍ବର ବାଇକ ଆରୋହୀଙ୍କ ମୃତ ଘଟିଛି ।ଜନସାଧାରଣ ନୋ-ଏଣ୍ଟ୍ରି କରିବାକୁ ଦାବି କରିଛନ୍ତି କାରଣ ବାରମ୍ବାର ଏଭଳି ଅଭାବନୀୟ ଦୁର୍ଘଟଣାରେ ନିରୀହ ଲୋକଙ୍କ ଜୀବନ ଯିବା ସହିତ ଅନେକ ପରିବାର ଅନାଥ ହେଉଥିବା ଦେଖିବାକୁ ମିଳୁଛି । ଘଟଣା ସ୍ଥଳରେ ପୋଲିସ ପହଞ୍ଚି ତଦନ୍ତ କରୁଛି।