ଅଦିନିଆ ବର୍ଷାରେ ବେହାଲ ନୂଆପଡାର ଧାନଚାଷୀ। କୁଆ ପଥର ବର୍ଷା ଯୋଗୁଁ ନଷ୍ଟ ହୋଇଯାଇଛି ଏକର ଏକର ଜମି , ଅମଳ ସମୟରେ ଚାଷ ଜମିରେ ପଡିଛି ଧାନ। ଧାନକେଣ୍ଡାରୁ ଧାନ ଝଡି ଯାଇଛି । ଆଉ ଦିନ କେଇଟା ପରେ ଚାଷୀ ନିଜର କଷ୍ଟ ଉପାର୍ଜିତ ଧାନ କୁ ଅମଳ କରିଥାନ୍ତା । ହେଲେ ଅଦିନିଆ କୁଆ ପଥର ବର୍ଷା ଭାଙ୍ଗିଦେଲା ଚାଷୀଙ୍କ ମେରୁଦଣ୍ଡ ।

ନୂଆପଡ଼ା ବ୍ଲକ ଆମାନାରା ପଞ୍ଚାୟତ ତରିଆ ମହୁଆଭଟା ଗାଁର ଚାଷୀ କଲ୍ୟାଣ ବଞ୍ଜାରାର ଚାଷ ଜମିର ଦୃଶ୍ୟ ଦେଖିବାକୁ ମିଳିଛି । ଚଳିତ ରବି ଋତୁରେ ଭଲ ଦୁଇ ପଇସା ପାଇବା ଆଶାରେ ଚାଷ କରିଥିଲା ଚାଷୀ । ଧାର କରଜ କରି ଚାଷ ରେ ନିଜର ଶ୍ରମଦାନ କରିଥିଲେ । ମାତ୍ର ସବୁ ଉଜାଡିଦେଲା ଅଦିନିଆ ବର୍ଷା । ଏବେ କେମିତି ସୁଝିବେ କରଜ ସେ ଚିନ୍ତାରେ ଚାଷୀ। ଅଦିନିଆ ବର୍ଷାର ପ୍ରଭାବ ନୂଆପଡାର ଚାଷୀଙ୍କ ମୁଣ୍ଡ ଉପରେ ଚଡକ ପକାଇଛି। ଏବେ ନିଜ ଉଜୁଡା ଖେତକୁ ଦେଖି ଚିନ୍ତାରେ ଚାଷୀ।