ଦୁଇ ବାଇକ୍ ମୁହାଁମୁହିଁ ଧକ୍କାରେ ଜଣେ ମୃତ, 3 ଗୁରୁତର । କେନ୍ଦୁଝର ଜିଲ୍ଲା ପାଟଣା ଥାନା ୨୨୦ ନଂ ଏନଏଚ୍ ଧାନବେଣୀ ନିକଟରେ ଘଟିଛି ଏହି ମର୍ମନ୍ତୁଦ ସଡ଼କ ଦୁର୍ଘଟଣା ।‌ ମୃତକ ରସପଡା ଗାଁର ସାଇରାମ ମହାନ୍ତ । ବାଇକ୍ ଯୋଗେ ପାଟଣା ବଜାରରୁ କାମ ସାରି ଘରକୁ ଫେରୁଥିବା ବେଳେ କରଞ୍ଜିଆ ପଟୁ ପାଟଣା ଅଭିମୁଖେ ଆସୁଥିବା ଆଉ ଏକ ବାଇକ ତାଙ୍କୁ ଧକ୍କା ଦେଇଥିଲା ।‌ ଦୁର୍ଘଟଣାରେ ଗୁରୁତର ହୋଇଥିବା ୩ ଜଣଙ୍କୁ କେନ୍ଦୁଝର ଜିଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି । ଏଖବର ପରେ ଘର ଲୋକେ ଦୁଃଖରେ ଭାଙ୍ଗି ପଡିଥିବାବେଳେ ପୋଲିସର ତଦନ୍ତ ଆରମ୍ଭ ହୋଇଛି।