ବ୍ରାହ୍ମଣୀ ନଦୀ ବ୍ରିଜ ମରାମତି ବେଳେ ଅଘଟଣ,ବ୍ରିଜରୁ ଖସି ଜଣେ ମୃତ

ଢେଙ୍କାନାଳ ଜିଲ୍ଲା କମଗରା ବ୍ରାହ୍ମଣୀ ନଦୀ ବ୍ରିଜ ମରାମତି ବେଳେ ଅଘଟଣ । ବ୍ରିଜରୁ ଖସି ଜଣଙ୍କର ମୃତ୍ୟୁ ହୋଇଛି । ବ୍ରିଜ କାମ ଚାଲୁଥିବା ବେଳେ ନଦୀ ଭିତରକୁ ୪ ଜଣ ଶ୍ରମିକ ଖସିପଡିଥିଲେ । ସେମାନଙ୍କ ମଧ୍ୟରୁ ଢେଙ୍କାନାଳ ଅଗ୍ନିଶମ ବାହିନୀ ସହାୟତାରେ ୩ ଜଣଙ୍କୁ ଉଦ୍ଧାର କରାଯାଇଥିଲା । ପରେ ଖୋଜାଖୋଜି ପରେ ଆଉ ଜଣେ ଶ୍ରମିକଙ୍କ ମୃତଦେହ ଉଦ୍ଧାର କରାଯାଇଛି । ମୃତକ ଦିଲ୍ଲୀପ କୁମାରଙ୍କ ଘର ବିହାର ମୋତିହାରୀ ଜିଲ୍ଲାରେ । ତେବେ କେଉଁ କାରଣରୁ ଏତେବଡ ଅଘଟଣ ଘଟିଲା ତାହା ସ୍ପଷ୍ଟ ହୋଇନାହିଁ। ଗତ କାଲି ବିଳମ୍ବିତ ରାତିରେ ବ୍ରିଜ କାମ ଚାଲୁଥିବା ଜଣାପଡିଛି । ଏ ନେଇ ତୁମୁସିଙ୍ଗା ପୋଲିସ ଅଧିକ ତଦନ୍ତ ଜାରି ରଖିଛି ।