ପୁରୀ ବଡ଼ଦାଣ୍ଡର ମାଉସୀ ମା' ମନ୍ଦିର ନିକଟରେ ଦୁର୍ଘଟଣା । ରିକ୍ସାକୁ ଧକ୍କା ଦେଲା ବାଇକ । ଏହି ଦୁର୍ଘଟଣାରେ ଜଣେ ପର୍ଯ୍ୟଟକଙ୍କ ମୃତ୍ୟୁ ଘଟିଛି । ମୃତ ପର୍ଯ୍ୟଟକ ହେଉଛନ୍ତି ଦିଲ୍ଲୀର ଯୋଗେନ୍ଦ୍ର ସିଂହ । ଦୁର୍ଘଟଣାରେ ରିକ୍ସା ଚାଳକଙ୍କ ସହ ଦୁଇ ବାଇକ୍ ଚାଳକ ମଧ୍ୟ ଆହତ ହୋଇଛନ୍ତି ।

ଆହତଙ୍କୁ ସଦର ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ଖବର ପାଇ ଟ୍ରାଫିକ ଥାନା ପୋଲିସ ଓ କୁମ୍ଭାରପଡ଼ା ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରୁଛନ୍ତି । କୁମ୍ଭାରପଡ଼ା ଥାନା ପୋଲିସ ଦୁର୍ଘଟଣାଗ୍ରସ୍ତ ରିକ୍ସା ଓ ବାଇକ୍ ଜବତ କରିଛନ୍ତି । ରିକ୍ସାରେ ଦୁଇ ପର୍ଯ୍ୟଟକ ମନ୍ଦିର ଅଭିମୁଖେ ଯାଉଥିବାବେଳେ ଏହି ଦୁର୍ଘଟଣା ଘଟିଥଲା । ମୃତ ଯୋଗେନ୍ଦ୍ରଙ୍କ ପୁଅ ଦିଲ୍ଲୀ ପୋଲିସରେ ସବ ଇନ୍ସପେକ୍ଟର ଓ ଭାଇ ଜଣେ ପାଇଲଟ ଥିବା ସୂଚନା ମିଳିଛି ।