ସୋସିଆଲ ମିଡ଼ିଆରେ ଆକ୍ଟିଭ ହେଲେ ଗୃହରେ ଆବସେଣ୍ଟ୍ ବିରୋଧୀଦଳ ନେତା ନବୀନ ପଟ୍ଟନାୟକ  । ୮ ଦିନ ହେଲା ଗୃହକୁ ଆସୁ ନାହାନ୍ତି ବିରୋଧୀଦଳ ନେତା ନବୀନ ପଟ୍ଟନାୟକ । ଗଣତାନ୍ତ୍ରିକ ବ୍ୟବସ୍ଥା ନେଇ ପ୍ରଶ୍ନ ଉଠାଇଲା ବିଜେପି । ସ୍ୱାସ୍ଥ୍ୟ ଗତ ସମସ୍ୟା କହି କଥା ଏଡାଇଗଲା ବିଜେଡି ।

ନଭେମ୍ବର ୨୭ ତାରିଖରୁ ଆରମ୍ଭ ହୋଇ ଚାଲିଛି ବିଧାନସଭାର ଶୀତ ଅଧିବେଶନ। ପ୍ରଶ୍ନକାଳ ଚାଲୁଛି.. ଶୂନ୍ୟକାଳ, ମୂଲତବି ପ୍ରସ୍ତାବ ସହ ଅତିରିକ୍ତ ବଜେଟ ଖର୍ଚ୍ଚ ଦାବି ଆଲୋଚନା ବି ସରଗରମ ହେଉଛି । ହେଲେ ଗୃହରେ ଦେଖା ଯାଉ ନାହାନ୍ତି ବିରୋଧୀ ଦଳ ନେତା ନବୀନ ପଟ୍ଟନାୟକ । ୯ ଦିନର ଗୃହ କାର୍ଯ୍ୟ ଭିତରେ କେବଳ ରାଷ୍ଟ୍ରପତି ଆସିଥିବା ଗୋଟିଏ ଦିନ ବିଧାନସଭାକୁ ଆସିଥିଲେ ନବୀନ ତା'ପରେ ଆଉ ଆସିନାହାନ୍ତି ।

ଯାହାକୁ ନେଇ ଗୃହ ର ଗଣତାନ୍ତ୍ରିକ ବ୍ୟବସ୍ଥା ପାଇଁ ଏହା ଭୁଲ ସଂକେତ ଦେଉଥିବା କହିଛନ୍ତି ବିଜେପି ଓ କଂଗ୍ରେସ । ତେବେ ବିଜେଡି କହିଛି ସ୍ୱାସ୍ଥ୍ୟ ଗତ ସମସ୍ୟା କାରଣରୁ ସବୁ ଦିନ ଆସି ପାରୁ ନ ଥିଲେ ବି କିଛି ଦିନ ବିଧାନସଭାରେ ଭାଗ ନେଉଛନ୍ତି ।

କିଛି ଦିନ ତଳେ ହୋଇଥିବା ନୂଆପଡା ଉପନିର୍ବାଚନ ବେଳେ ଦୁଈ ଦୁଈ ଥର ନୂଆପଡା ଯାଇ ପ୍ରଚାର କରିଥିଲେ ନବୀନ । ବିଜେପିକୁ ବି କରିଥିଲେ କଡା ଟାର୍ଗେଟ । ଚଳିତ ବିଧାନସଭା ଅଧିବେଶନ ଚାଲିବା ଭିତରେ ନବୀନ ନିବାସରେ ବିଭିନ୍ନ ଲୋକଙ୍କୁ ଭେଟୁଛନ୍ତି । ଭଦ୍ରକରେ ବିଜେଡି ଦୁର୍ବଳ ହେବା ନେତାଙ୍କୁ ଡାକି ସଂଗଠନ ନେଇ ଆଲୋଚନା କରିଥିଲେ ବିଜେଡି ସୁପ୍ରିମୋ ।ଏପରିକି ବଜେଟ ଓ ANM ପରୀକ୍ଷା ବାତିଲ ନେଇ ସୋସିଆଲ ମିଡ଼ିଆରେ ପୋଷ୍ଟ କରି ସରକାରକୁ ବି ଘେରିଥିଲେ । ହେଲେ ଗୃହ ଭିତରେ ନବୀନଙ୍କ ଅନୁପସ୍ଥିତି ବିଜେଡି ସ୍ୱର କୁ ଦୁର୍ବଳ କରିବା ଭଳି ମନେ ହେଉଛି ।

ଏଥିସହ ପଢ଼ନ୍ତୁ: BJDକୁ ଧୋଇଲେ ସନା, କହିଲେ ଶହ ଶହ କୋଟି ନେଲେ କିନ୍ତୁ କିଛି ଦେଲେନି ! 

ଚଳିତ ଅଧିବେଶନରେ ୧୫ଟି ବୈଠକ ହେବ । ଡିସେମ୍ବର ୧୯ ତାରିଖ ପର୍ଯ୍ୟନ୍ତ ଚାଲିବ ଏହି ଅଧିବେଶନ । ସଂସଦର ଶୀତକାଳୀନ ଅଧିବେଶନରେ କେନ୍ଦ୍ର ସରକାର ୧୦ଟି ବିଲ ଆଗତ କରିବାକୁ ଯୋଜନା ରଖିଛନ୍ତି । ପରମାଣୁ ଶକ୍ତି ବିଲ୍, ୨୦୨୫ ସହିତ ନଅଟି ନୂତନ ବିଲ୍ ଆଗତ ହୋଇପାରେ ।

ଏଥିରେ ଭାରତୀୟ ଉଚ୍ଚଶିକ୍ଷା ଆୟୋଗ, ଜାତୀୟ ରାଜପଥ, କର୍ପୋରେଟ୍ ଆଇନ ସଂଶୋଧନ, ସିକ୍ୟୁରିଟିଜ୍ ମାର୍କେଟ୍ କୋଡ୍, ୨୦୨୫ ଏବଂ ମଧ୍ୟସ୍ଥତା ଆଇନରେ ପରିବର୍ତ୍ତନ ଅନ୍ତର୍ଭୁକ୍ତ । ଅନ୍ୟପଟେ ବିରୋଧୀ SIR ପ୍ରସଙ୍ଗରେ ସରକାରଙ୍କୁ ଘେରି ପାରନ୍ତି । ଜାତୀୟ ରାଜଧାନୀରେ ବାୟୁ ପ୍ରଦୂଷଣକୁ ମୁଦା କରିପାରନ୍ତି ବରୋଧୀ । କଂଗ୍ରେସ ନେତା ପ୍ରମୋଦ ତିୱାରୀ କହିଛନ୍ତି ଅଧିବେଶନରେ ଭୋଟ ଚୋରି ପ୍ରସଙ୍ଗ ଉଠାଇବେ ।