ଗଞ୍ଜାମ ଜିଲ୍ଲା ଧରାକୋଟର ଅଞ୍ଚଳରେ ଦୁଇ ଦଳିତଙ୍କୁ ଅମାନୁଷିକ ଭାବେ ନିର୍ଯ୍ୟାତନା ଦେବା ଘଟଣାରେ ନିର୍ଯ୍ୟାତିତଙ୍କ ପରିବାର ପାଖରେ ପହଞ୍ଚିଲା ପ୍ରଶାସନ l ଗତ ୨୨ ତାରିଖ ଦିନ ଗୋଚାଲାଣ କରୁଥିବା କହି ଦୁଇ ଦଳିତ ବ୍ୟକ୍ତିଙ୍କୁ ଧରାକୋଟର ଖାରିଗୁମ୍ମା ଜାହାଡ଼ାରେ କିଛି ଯୁବକ ଆଇନକୁ ହାତକୁ ନେଇ ମାଡ ମାରିବା ସହ ଅଧା ଲଣ୍ଡା କରି ଅମାନୁଷିକ ଭାବେ ଗାଁ ଦାଣ୍ଡରେ ଆଣ୍ଠେଇଥିଲେ l ଘଟଣାକୁ ଗୁରୁତର ଭାବରେ ନେଇ ବିଭିନ୍ନ ଗଣମାଧ୍ୟରେ ବାରମ୍ବାର ଖବର ପ୍ରସାରଣ ହୋଇଥିଲା l ଯାହାପରେ ଟୁଇଟର ଏସ୍କ ମାଧ୍ୟମରେ କଂଗ୍ରେସ ରାଷ୍ଟ୍ରୀୟ ଅଧକ୍ଷ ରାହୁଲ ଗାନ୍ଧୀ ଓ ଛତିଶଗଡ ପୂର୍ବତନ ମୁଖ୍ୟମନ୍ତ୍ରୀ ଟି. ଏସ ସିଂ ଦେଓ ଘଟଣାକୁ ଦୁଢ଼ ନିନ୍ଦା କରିଥିଲେ l ଯାହାପରେ ଘଟଣାକୁ ଗୁରୁତର ସହ ନେଇ ସିଙ୍ଗିପୁର ଗାଁ ର ଦୁଇ ଦଳିତ ପରିବାର ପାଖରେ ପହଞ୍ଚିଛନ୍ତି ଭଞ୍ଜନଗର ଉପଜିଲ୍ଲାପାଳ, ଧରାକୋଟ ତହସିଲ ଦାର ଓ ବିଡିଓ ଙ୍କ ସହ ଏକ ତଦନ୍ତ କାରୀ ଟିମ୍ l

ଭଞ୍ଜନଗର ଉପଜିଲ୍ଲାପାଳ ଉମାଶଙ୍କର ବେହେରା ଦଳିତ ପରିବାରର ଦୁଇ ଝିଅ ଓ ଭଉଣୀଙ୍କ ସହ କଥା ହୋଇ ଘଟଣା ବିଷୟରେ ପଚାରି ବୁଝିବା ସହ ଘଟଣାକୁ ଅମାନୁଷିକ କହି ନିନ୍ଦା କରିଛନ୍ତି l ଜିଲ୍ଲା ପ୍ରଶାସନ ପକ୍ଷରୁ ପୀଡିତ ପରିବାରଙ୍କୁ ସାମାଜିକ ସୁରକ୍ଷା ଦେବା ସହ ଦୋଷୀମାନଙ୍କ ଉପରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ କହି ପ୍ରତିଶ୍ରୁତି ଦେଇଛନ୍ତି ଉପଜିଲ୍ଲାପାଳ l ଏହାସହ ରେଡର୍କସ ପାଣ୍ଠିରୁ ଦୁଇ ଦଳିତ ନିର୍ଯ୍ୟାତିତଙ୍କୁ ଚିକିତ୍ସା ପାଇଁ ୧୦ ହାଜର ଟଙ୍କା ଲାଖେ ଅନୁଦାନ ରାଶି ପ୍ରଦାନ କରାଯାଇଛି I

ନ୍ୟାୟ ପାଇଁ ଏକାଠି ଦଳିତ ସମାଜ l ଗଞ୍ଜାମ ଜିଲ୍ଲା ଧରାକୋଟରେ ଦୁଇ ଦଳିତଙ୍କୁ ଅମାନୁଷିକ ନିର୍ଯ୍ୟାତନା ସହ ଗାଁ ଦାଣ୍ଡରେ ଆଣ୍ଠେଇବା ଘଟଣାରେ ନ୍ୟାୟ ଦାବି କରି ଏକାଠି ହୋଇଛନ୍ତି ପୁରା ଦଳିତ ସମାଜ l ୪୦ରୁ ଅଧିକ ଦଳିତ ପରିବାର, ଦଳିତ ମହାସଭାର ପ୍ରତିନିଧି ଦଳ ଗଞ୍ଜାମ ଜିଲ୍ଲାପାଳ ଓ ଏସପି, ଆରଡିସିଙ୍କୁ ଭେଟିବା ସହ ନ୍ୟାୟ ଦାବି କରିବେ l ଘଟଣାରେ ନଅ ଜଣଙ୍କୁ ଅଟକ ରଖିଥିବା ନେଇ ସୂଚନା ଦେଇଥିଲେ ଗଞ୍ଜାମ ଏସ୍. ପି । ଆଜି ଅଭିଯୁକ୍ତକୁ କୋର୍ଟ ଚାଲାଣ କରିବ ପୋଲିସ l

Argus News | argus news | -Argusnews Home: Odisha Latest News, Breaking News, Trending News, Live TV and more