ଅର୍ଗସ ବ୍ୟୁରୋ: କରୋନା, ମଙ୍କି ପକ୍ସ, ଜିକା, ଇବୋଲା ପରେ ଡରାଉଛି ଡିଜିଜ ଏକ୍ସ । ଡେମୋକ୍ରାଟିକ ରିପବ୍ଲିକ ଅଫ କଙ୍ଗୋରେ ଭୟଙ୍କର ଭାବେ ବ୍ୟାପୁଛି ଏହି ଭାଇରସ । ଆଫ୍ରିକୀୟ ଦେଶ କଙ୍ଗୋରେ ବର୍ତ୍ତମାନ ସୁଦ୍ଧାରେ ଭାଇରସ ସଂକ୍ରମଣରେ 79 ଜଣଙ୍କ ମୃତ୍ୟୁ ହୋଇଥିବାବେଳେ ୩୬୭ ଜଣ ଆକ୍ରାନ୍ତ ହୋଇଥିବା ଆଫ୍ରିକା ରୋଗ ନିୟନ୍ତ୍ରଣ ଏବଂ ନିରାକରଣ କେନ୍ଦ୍ର ପକ୍ଷରୁ ସୂଚନା ଦିଆଯାଇଛି । ଏଯାଏ ରୋଗର କାରଣ ଅସ୍ପଷ୍ଟ ରହିଛି । 5 ବର୍ଷରୁ କମ୍ ବୟସର ଶିଶୁ ଏଥିରେ ଅଧିକ ଆକ୍ରାନ୍ତ ହେଉଛନ୍ତି । ମୋଟ ୩୬୭ ଜଣ ଆକ୍ରାନ୍ତ ହୋଇଥିବା ସୂଚନା ମିଳିଛି । ଆକ୍ରନ୍ତଙ୍କ ମଧ୍ୟରେ 2 ଶହ ଜଣ ଶିଶୁ ରହିଛନ୍ତି । ଚଳିତବର୍ଷ ଅକ୍ଟୋବର ୨୪ ତାରିଖରେ କଙ୍ଗୋ ପ୍ରଦେଶର ପାଞ୍ଜି ହେଲ୍ପ ଜୋନରେ ପ୍ରଥମ ଡିଜିଜ ଏକ୍ସ ରୋଗୀ ଚିହ୍ନଟ ହୋଇଥିଲେ । ବିଶ୍ବ ସ୍ବାସ୍ଥ୍ୟ ସଂଗଠନ ପକ୍ଷରୁ ଡିଜିଜ ଏକ୍ସର କାରଣ ଓ ଲକ୍ଷଣ ନେଇ ଗବେଷଣା ଜାରି ରହିଛି । ଗତବର୍ଷରୁ ବିଶ୍ବ ସ୍ବାସ୍ଥ୍ୟ ସଂଗଠନ ଡିଜିଜ ଏକ୍ସକୁ ନେଇ ଆଲର୍ଟ ଜାରି କରିଥିଲା ।