ପୁଣି ଶ୍ରୀମନ୍ଦିର ସୁରକ୍ଷାକୁ ନେଇ ଉଠିଲା ପ୍ରଶ୍ନ
Key Points
ପୁଣି ଶ୍ରୀମନ୍ଦିର ସୁରକ୍ଷାକୁ ନେଇ ଉଠିଲା ପ୍ରଶ୍ନ
ପୁରୀ: ପୁଣି ଶ୍ରୀମନ୍ଦିର ସୁରକ୍ଷାକୁ ନେଇ ଉଠିଲା ପ୍ରଶ୍ନ । ନୋ ଫ୍ଲାଇଁ ଜୋନରେ ଉଡିଲା ଡ୍ରୋନ । ଶ୍ରୀମନ୍ଦିର ଉପରେ ଉଡିଲା ଡ୍ରୋନ । ୩୦ ମିନିଟ୍ ଯାଏଁ ଶ୍ରୀମନ୍ଦିର ଉପରେ ଉଡିଲା ଡ୍ରୋନ୍ । ଶ୍ରୀମନ୍ଦିର ନୀଳଚକ୍ର ଉପରେ ଓ ଚାରିପଟେ ଉଡିଲା ଡ୍ରୋନ୍ । ବରାମ୍ବାର ଏପରି ଘଟଣା ସାମନାକୁ ଆସୁଥିବାବେଳେ ଲୋକଙ୍କ ମଧ୍ୟରେ ଏନେଇ ଅସନ୍ତୋଷ ପ୍ରକାଶ ପାଇଛି ।
ଆଜି ଭୋର 4.10 ମିନିଟରେ ଶ୍ରୀମନ୍ଦିର ନୀଳଚକ୍ର ଉପରେ ପ୍ରାୟ ଅଧଘଣ୍ଟା ଧରି ଡ୍ରୋନ୍ ଉଡିଥିଲା। ପ୍ରଥମେ ଉତ୍ତରପାର୍ଶ୍ବ ମଠରୁ ଆସି ଶ୍ରୀମନ୍ଦିର ନୀଳଚକ୍ର ଉପରେ ଉଡିବା ପରେ ପୁର୍ନବାର ସିଂହଦ୍ଵାର ବାହାରକୁ ଆସି ଉଡିଥିଲା ଡ୍ରୋନ୍ ।
📱 Get Argus News App
✨ତ୍ରିସ୍ତରୀୟ ସୁରକ୍ଷା ବଳୟ ମଧ୍ୟରେ ନିଷିଦ୍ଧାଞ୍ଚଳରେ କିଏ ଓ କାହିଁକି ଉଡାଇଲା ଡ୍ରୋନ ତାକୁ ନେଇ ଉଠିଛି ପ୍ରଶ୍ନ । ଗତବର୍ଷ ଜଣେ ୟୁଟ୍ୟୁବର୍ ଡ୍ରୋନ୍ ଉଡ଼ାଇ ଭିଡିଓ ଫଟୋ ଉତ୍ତୋଳନ କଲାବେଳେ ହୋଇଥିଲା ତୁମ୍ବି ତୋଫାନ।ତାଙ୍କ ବିରୋଧରେ ମାମଲା ହୋଇଥିବାବେଳେ ଶ୍ରୀମନ୍ଦିର ଓ ଏହାର ୧୦୦ ମିଟର ପରିଧିରେ ନୋ ଫ୍ଲାଇଂ ଜୋନ୍ ଘୋଷଣା କରାଯାଇଥିଲା ।
ଏଥିପାଇଁ ଲୋକଙ୍କୁ ସଚେତନ କରାଯାଇଥିଲା । ପୁଣି ତ୍ରିସ୍ତରୀୟ ସୁରକ୍ଷାର ନାକ ତଳେ ଘଟିଛି ଏଭଳି ଅଘଟଣ ।