15 ହଜାର ଚାଷୀ ସାମିଲ, 200ଟି ଷ୍ଟଲରେ କୃଷି ଉପକରଣ
Key Points
କୃଷି ଓଡ଼ିଶା କାର୍ଯ୍ୟକ୍ରମରେ ପୂର୍ବ ବିଜେଡି ସରକାରକୁ ଟାର୍ଗେଟ କଲେ ମୁଖ୍ୟମନ୍ତ୍ରୀ ।
ଭୁବନେଶ୍ୱର: କୃଷି ଓଡ଼ିଶା କାର୍ଯ୍ୟକ୍ରମରେ ପୂର୍ବ ବିଜେଡି ସରକାରକୁ ଟାର୍ଗେଟ କଲେ ମୁଖ୍ୟମନ୍ତ୍ରୀ । କହିଲେ, ପୂର୍ବ ସରକାର ପ୍ରଚାର ସର୍ବସ୍ବ ଥିଲେ । କେବଳ ମିଶନ ପରେ ମିଶନ କରୁଥିଲେ । ପୂର୍ବ ସରକାରରେ ସବୁ ମିଶନ, ଅପରେସନ ସକ୍ସେସଫୁଲ, ରୋଗୀ ଡେଡ୍ ଥିଲା । ସେମାନଙ୍କ ପାଇଁ ଆଳୁ ମିଶନ ଫେଲ୍ ହେଲା । ଚାଷୀଙ୍କ ଆଶା, ଆକାଂକ୍ଷା ପୂରଣ କରିନଥିଲେ ପୂର୍ବ ସରକାର ।
ଆଜିର କାର୍ଯ୍ୟକ୍ରମ ରାଜ୍ୟର ସମସ୍ତ ଚାଷୀ ଭାଇ ଓ ଅନ୍ନଦାତାଙ୍କୁ ସମର୍ପିତ ବୋଲି କହିଛନ୍ତି ମୁଖ୍ୟମନ୍ତ୍ରୀ । ଭୁବନେଶ୍ବର ବରମୁଣ୍ଡା ପଡ଼ିଆରେ କୃଷି ଓଡ଼ିଶା-2025କୁ ଉଦଘାଟନ କରିଛନ୍ତି ମୁଖ୍ୟମନ୍ତ୍ରୀ । ଆଜିଠୁ 3 ଦିନ ଧରି ଚାଲିବ କୃଷି ଓଡ଼ିଶା । ଓଡ଼ିଶା ସରକାରଙ୍କର କୃଷି ଓ କୃଷକ ସଶକ୍ତିକରଣ ବିଭାଗ ଦ୍ବାରା କାର୍ଯ୍ୟକ୍ରମର ଆୟୋଜନ କରାଯାଇଥିବା ବେଳେ, ସାରା ରାଜ୍ୟରୁ 15 ହଜାର ଚାଷୀ ଏଥିରେ ସାମିଲ ହୋଇଛନ୍ତି । 200ଟି ଷ୍ଟଲରେ କୃଷି ଉପକରଣ, ଉନ୍ନତ ଚାଷ ପଦ୍ଧତି ପ୍ରଦର୍ଶିତ ହେଉଛି ।
📱 Get Argus News App
✨ଓଡ଼ିଶାରେ ପୋଷଣଯୁକ୍ତ ଖାଦ୍ୟ ପଦ୍ଧତି ସହିତ ସ୍ଥାନୀୟ ଅର୍ଥନୀତିକୁ ସଶକ୍ତ କରିବା ସହିତ ଉଭୟ ପରିବେଶ ଓ ସ୍ବାସ୍ଥ୍ୟ ମଧ୍ୟରେ ସମନ୍ବୟ ରକ୍ଷା କରିବା ଏହାର ମୂଳ ଲକ୍ଷ୍ୟ । କୃଷି ଓଡ଼ିଶା-୨୦୨୫ ର ବିଷୟବସ୍ତୁ ରହିଛି `ଚିରନ୍ତନ ଖାଦ୍ୟ ପ୍ରଣାଳୀ ପାଇଁ ଏକ ପ୍ରୟାସ' ।