ପାହାଡିଆ ଅଞ୍ଚଳରେ ନିଆଁକୁ ଚିହ୍ନଟ କରୁଛି ଡ୍ରୋନ୍ । ଶିମିଳିପାଳ ସହ କିଛି ଜଙ୍ଗଲରେ AI କ୍ୟାମେରା ବ୍ୟବହାର କରାଯାଉଥିବା କହିଛନ୍ତି ବନ ସଂରକ୍ଷକ ଭି.କାର୍ତ୍ତିକ । ପ୍ରାୟ ୨୫ ହଜାର ପଏଣ୍ଟରେ ଜଙ୍ଗଲ ନିଆଁ ଲାଗିଛି । ୯୯ ପ୍ରତିଶତ ନିଆଁ ଲିଭାଯାଇଛି । ଆଗକୁ ବର୍ଷା ହେବାକୁ ପାଣିପାଗ କେନ୍ଦ୍ର ପୂର୍ବାନୁମାନ କରିଥିବାବେଳେ ବଡ଼ ଆଶ୍ୱସ୍ତି ଆଣିପାରେ ବୋଲି କହିଛନ୍ତି ବନ ସଂରକ୍ଷକ ।

ସେହିପରି ରାଉରକେଲା ବନଖଣ୍ଡରେ ନିଆଁ ଲିଭାଇବାବେଳେ ଜଙ୍ଗଲ ନିଆଁରେ ଜଣେ ଜଳିଯିବା ଘଟଣାରେ ପ୍ରତିକ୍ରିୟା ରଖିଛନ୍ତି ବନ ସଂରକ୍ଷକ ଭି.କାର୍ତ୍ତିକ । କୁଆଁରମୁଣ୍ଡାରେ ୧୪ ଜଣ ନିଆଁ ଲଗାଇବାକୁ ଯାଇଥିଲେ । ପାହାଡ଼ ଉପରେ ପବନ ହେବା ଯୋଗୁଁ ନିଆଁ ବ୍ୟାପିଯିବାରୁ ଜଣେ ବନ କର୍ମଚାରୀ ନିଆଁରେ ପୋଡି ହୋଇ ଗୁରୁତର ଆହତ ହୋଇଥିଲେ । ଏବେ ମେଡିକାଲରେ ତାଙ୍କର ଚିକିତ୍ସା ଚାଲିଥିବା କହିଛନ୍ତି ବନ ସଂରକ୍ଷକ ।