ଅର୍ଗସ ବ୍ୟୁରୋ: ଦୁର୍ନୀତିର ଗନ୍ତାଘର ଗଜପତି ଜିଲ୍ଲାର ଆର.ଉଦୟଗିରି ବ୍ଳକ । ଡମ୍ବଢିଅ ଗାଁରେ ଆମ ଓଡ଼ିଶା ନବୀନ ଓଡ଼ିଶା ନାଁରେ ଉପର ସାହିକୁ ଏକ କମ୍ୟୁନିଟି ଗୃହ ଗତ ବିଜେଡି ସରକାରବେଳେ ପ୍ରସ୍ତାବ ହୋଇଥିଲା । ବିଭାଗୀୟ ଅଧିକାରୀ ମାନେ ଆସି ଜାଗା ଚିହ୍ନଟ କରିଥିଲେ । ଆଉ କାମ ବି ଆରମ୍ଭ ହେଲା ପାହାଡ କାଟି ରାସ୍ତା ନିର୍ମାଣ ହେଲା । ଗାଁ ଲୋକ ନିଜ ପକେଟରୁ ଲକ୍ଷାଧିକ ଟଙ୍କା ଖର୍ଚ୍ଚ କରି ପଥର ଫଟାଇ ପାହାଡ କାଟି ଗୋଡ଼ି, ମେଟାଲ ଆଣି ଗଦା କଲେ । ହେଲେ କମ୍ୟୁନିଟି ଗୃହ ନିର୍ମାଣ ହୋଇପାରିଲାନି । ଏପରିକି ଗ୍ରାମବାସୀ ନିଜେ ଖର୍ଚ୍ଚ କରିଥିବା ଟଙ୍କା ବି ପାଇନଥିବା ଅଭିଯୋଗ ହୋଇଛି ।

ଘଟଣା ନେଇ ସରପଞ୍ଚ, ସମିତି, ଜିଲ୍ଲା ପରିଷଦ ଓ ବିଭାଗୀୟ ଜେଇଙ୍କୁ ପଚାରିଲେ ବି କାହା ପାଖେ ଉତ୍ତର ନାହିଁ। ସେପଟେ ଗ୍ରାମବାସୀ ନିଜେ ଟଙ୍କା ଖର୍ଚ୍ଚ କରି ଫଳକ ଲଗାଇଛନ୍ତି । ଆଉ ଏପରି କରିବାକୁ ନିଜେ ଯନ୍ତ୍ରୀ ସେମାନଙ୍କୁ କହିଥିବା ଗାଁ ଲୋକ ଅଭିଯୋଗ କରିଛନ୍ତି ।

ତତ୍କାଳୀନ ବିଜେଡି ସରକାରବେଳେ ଦୁର୍ନୀତିରେ ଲିପ୍ତ ରହି ସରକାରୀ ବାବୁ କରୁଥିଲେ ସରକାରୀ ଅର୍ଥ ଆତ୍ମସାତ୍ । ବିଜେପି ସରକାରରେ ଖୋଲୁଛି କେଳେଙ୍କାରୀର ଗୁମର ।