ଚିକିତ୍ସାରେ ଅବହେଳା ଯୋଗୁଁ ମହିଳାଙ୍କ ମୃତ୍ୟୁ । ନର୍ସିଂହୋମରେ ସଂଘାତିକ ଅଭିଯୋଗ । ମେଡିକାଲ ଭିତରେ ପଶି ଭଙ୍ଗା ରୁଜା କଲେ ସମ୍ପର୍କୀୟ। ଏଭଳି ଘଟଣା ଦେଖିବାକୁ ମିଳିଛି ଜଗତସିଂହପୁର ସାଇ ଶ୍ରଦ୍ଧା ନର୍ସିଂହୋମରେ । ପାଟେଣିଗାଁ ତରଡା ଅଞ୍ଚଳର ସସ୍ମିତା ସ୍ବାଇଁ ପ୍ରସୂତି ପାଇଁ ଉକ୍ତ ଘରୋଇ ନର୍ସିଂହୋମକୁ ଆସିଥିଲେ । ସେଠାରେ ଚିକିତ୍ସାବେଳେ ମହିଳାଙ୍କ ମୃତ ହୋଇଥିଲା ।

ଘଟଣା ପରେ ନର୍ସିଂହୋମ ସମ୍ମୁଖରେ ପ୍ରସୂତିଙ୍କ ମୃତଦେହ ରଖି ଜଗତସିଂହପୁର ପାରାଦୀପ ମୁଖ୍ୟ ରାସ୍ତା କୁ ଅବରୋଧ କରିଛନ୍ତି ଗ୍ରାମବାସୀ। ମହିଳା ଗୁରୁତର ହେବାରୁ ପ୍ରସୂତୀଙ୍କୁ କଟକ ରେଫର କରିଥିଲେ। ମାତ୍ର ରେଫରାଲ କାଗଜ ଠିକ ନଥିବା ହେତୁ କଟକରେ କୌଣସି ହସ୍ପିଟାଲ ରୋଗୀଙ୍କୁ ଆଡ଼ମିଶନ କରିନଥିଲେ। ଫଳରେ ଅଧିକ ରକ୍ତଶ୍ରାବ କାରଣରୁ ମହିଳାଙ୍କ ମୃତ୍ୟୁ ହୋଇଥିଲା। ଘଟଣା ସ୍ଥଳରେ ସଦର ପୋଲିସ ପହଞ୍ଚି ଲୋକଙ୍କୁ ବୁଝାସୁଝା କରିଛି ।