କଟକ:  କଟକରେ ଵନ୍ଧୁକ ମୁନରେ ଵଡ ଧରଣର ଲୁଟ୍ ହୋଇଥିବା ଜଣାପଡିଛି । କଟକ ଵାଦାମଵାଡି ଥାନା ପଛପଟେ ଥିବା ବିକାଶ ନଗର ଲେନରେ ଜଣେ ବ୍ୟବସାୟୀଙ୍କୁ ଫଲୋ କରି ଆପାର୍ଟମେଣ୍ଟର ଲଵିରୁ ପାଞ୍ଚ ଲକ୍ଷ ଟଙ୍କା ଛଡାଇ ନେଇଥିବା ଅଭିଯୋଗ ହୋଇଛି। ଲୁଟ୍ ର ଶୀକାର ହୋଇଥିଵା ଵ୍ୟକ୍ତି ହେଉଛନ୍ତି ମାଲଗୋଦାମ ଵ୍ୟଵସାୟୀ ନିରଞ୍ଜନ ଗୋଏଙ୍କା। ଲୁଟେରାଙ୍କ ଆକ୍ରମଣରେ ଗୋଏଙ୍କା ଆହତ ହୋଇ କଟକ ବଡ଼ ମେଡ଼ିକାଲରେ ଭର୍ତ୍ତି ହୋଇଛନ୍ତି। ସିସି ଟିଭି ଫୁଟେଜ ଆଧାରରେ ପୋଲିସ ଅନୁସନ୍ଧାନ ଜାରି ରଖିଛି । ଖୁବ ଶୀଘ୍ର ଅଭିଯୁକ୍ତଙ୍କୁ ଗିରଫ କରାଯିବ ବୋଲି କହିଛି ପୋଲିସ ।

ଲୁଟେରାଙ୍କ ଆତଙ୍କରେ ଅତିଷ୍ଠ ହୋଇ ତ୍ରାହି ତ୍ରାହି ଡାକିଲେଣି ଲୋକେ। ଯୁଆଡେ ଦେଖିବେ ଯେତେବେଳେ ଦେଖିବେ ସବୁଆଡ଼େ ଲୁଟ୍ ଓ ଛିନତାଇ ଖବର । ଏନେଇ ଦୃଢ଼ କାର୍ଯ୍ୟାନୁଷ୍ଠାନ ଆବଶ୍ୟକ । ଯାହାଦ୍ୱାରା ଲୁଟେରାମାନେ ଭୟଭୀତ ହେବେ, ଏବଂ ଏଭଳି କାର୍ଯ୍ୟରୁ ନିଜକୁ ଦୂରେଇ ରଖିବେ। ଏଭଳି ଲୁଟ୍ ଘଟଣା ଘଟୁଥିବା ଦେଖି ଭାରି ଆତଙ୍କିତ ଅବସ୍ଥାରେ ଅଛନ୍ତି କଟକ ବାସିନ୍ଦା । ସକାଳ, ଦିପହର କି ସନ୍ଧ୍ୟା, ଲୁଟର ସମୟ ନାହିଁ । ଜନ ଗହଳି ଥାଉ କି ନଥାଉ ସେଥିପ୍ରତି ଲୁଟେରାଙ୍କ ଭ୍ରୁକ୍ଷେପ ନାହିଁ । ହାତରେ ସୁନା କି ଟଙ୍କା ପଡ଼ିଲେ ଲୁଟ କରି ଖସି ପଳାଉଛନ୍ତି ଲୁଟେରା । ପୋଲିସକୁ ଚ୍ୟାଲେଞ୍ଜ ଦେଇ ଲୁଟ କରିବା ଲୁଟେରାଙ୍କ ପାଇଁ ବାଁ ହାତର ଖେଳ ହୋଇଗଲାଣି ।

ଅଧିକ ପଢ଼ନ୍ତୁ ଓଡିଶା ଖବର: