ରାୟଗଡା: ଅଧାବାଟରେ ରୋଗୀଙ୍କୁ ଛାଡି ଚାଲିଗଲା ଆମ୍ବୁଲାନ୍ସ । ଫଳରେ ଘଟଣାସ୍ଥଳରେ ରୋଗୀର ମୃତ୍ୟୁ ହୋଇଛି । ଏଭଳି ଘଟଣା ଘଟିଛି ରାୟଗଡା ଜିଲ୍ଲା ବିଷମକଟକ ବ୍ଲକ ଦୁର୍ଗୀଗ୍ରାମର ଠାରେ । ବିଷମକଟକ ବ୍ଲକ ଦୁର୍ଗୀଗ୍ରାମର ଗୀତା ବିଡିକା ନାମକ ଜଣେ ଯୁବତୀଙ୍କୁ ବିଷମକଟକ ଖ୍ରୀଷ୍ଟୀୟାନ ମେଡିକାଲ ଠାରୁ ଶ୍ରୀକାକୁଲମ ମେଡିକାଲକୁ ଆମ୍ବୁଲାନ୍ସ ଯୋଗେ ନିଆଯାଉଥିଲା । ହେଲେ ଅଧାବାଟରେ ଡ୍ରାଇଭର ଆମ୍ବୁଲାନ୍ସକୁ ଦୁଇ ଘଣ୍ଟା ଅଟକ ରଖିଥିଲେ । ରୋଗୀଙ୍କ ସମ୍ପର୍କୀୟ ବିଳମ୍ଭର କାରଣ ପଚାରିବାରୁ ରୋଗୀ ଓ ସମ୍ପର୍କୀୟଙ୍କୁ ଆମ୍ବୁଲାନ୍ସରୁ ଓହ୍ଲାଇ ଡ୍ରାଇଭର ପଳାଇଥିଲେ । ଯାହାଫଳରେ ଅଧାବାଟରେ ଯୁବତୀଙ୍କ ମୃତ୍ୟୁ ହୋଇଥିବା ପରିବାର ପକ୍ଷରୁ ବିଷମକଟକ ଥାନାରେ ଅଭିଯୋଗ ହୋଇଛି ।