ଖୋର୍ଦ୍ଧା: କାର୍ତ୍ତିକ ପୂର୍ଣ୍ଣିମାରେ ଜଗନ୍ନାଥଙ୍କ ଦର୍ଶନ ପାଇଁ ପୁରୀ ଯାଇଥିଲେ । ମହାପ୍ରଭୁଙ୍କୁ ଦର୍ଶନ କଲେ । କୋଟି ପୂଣ୍ୟ ଅର୍ଜନ କଲେ । ହେଲେ ଦର୍ଶନ ସାରି ଟ୍ରେନରେ ଫେରିବାବେଳେ ଚଳନ୍ତା ଟ୍ରେନରୁ ଗଳିପଡିଲେ ବୃଦ୍ଧା । ଶେଷରେ ତାଙ୍କର ପ୍ରାଣବାୟୁ ଉଡିଗଲା । ଖୋର୍ଦ୍ଧା ରେଳ ଡିଭିଜନ ବାଲୁଗାଁ ରେଳ ଷ୍ଟେସନରେ ଦେଖିବାକୁ ମିଳିଛି ଏଭଳି ଅଭାବନୀୟ ଘଟଣା ।

ମହିଳା ଜଣଙ୍କ ହେଉଛନ୍ତି ଝିଲ୍ଲୀ ମାନସିଂ । ଖୋର୍ଦ୍ଧା ବାଲୁଗାଁ ନିକଟସ୍ଥ କିମ୍ଭିରୀପଡା ଗ୍ରାମରେ ତାଙ୍କ ଘର । ତାଙ୍କର ଏପରି ଆକସ୍ମାତ ମୃତ୍ୟୁ ସମସ୍ତଙ୍କୁ ଆଶ୍ଚର୍ଯ୍ୟ ଚକିତ କରିଛି । ତେବେ ସ୍ଥାନୀୟ ଲୋକଙ୍କ କହିବା କଥା ମହିଳା ଜଣଙ୍କ ଟ୍ରେନରୁ ଖସି ଯିବା ସମୟରେ ଉପସ୍ଥିତ ରେଳ ଅଧିକାରୀ ତାଙ୍କୁ ସଠିକ ସମୟରେ ଉଦ୍ଧାର କରିନଥିଲେ । ଶେଷରେ ସ୍ଥାନୀୟ ଲୋକମାନେ ସେଠାରେ ପହଞ୍ଚି ଗୁରୁତର ଆହତ ହୋଇଥିବା ଏହି ମହିଳା ଯାତ୍ରୀଙ୍କୁ ଚିକିତ୍ସା ପାଇଁ ବାଲୁଗାଁ ମେଡିକାଲରେ ଭର୍ତ୍ତି କରିଥିଲେ । ମାତ୍ର ଚିକିତ୍ସାରେ ବିଳମ୍ବତା ଯୋଗୁଁ ମୃତ୍ୟୁ ଗୋଷଣା କରିଥିଲେ ଡାକ୍ତର ।

ବାଲୁଗାଁ ରେଳ ଷ୍ଟେସନ ଉପରେ ଡ୍ୟୁଟିରେ ଥିବା ରେଳବାଇ ପୋଲିସର ଦାୟିତ୍ଵ ହୀନତା ଉପରେ ବିଭାଗୀୟ ଅଧିକାରୀ ତୁରନ୍ତ ଶୃଙ୍ଖଳାଗତ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ସାଧାରଣରେ ଦାବି କରାଯାଇଛି ।

ଅଟୋକୁ ପିଟିଲା ଟ୍ରକ୍ ; 2 ମୃତ, 5 ଗୁରୁତର

Argus News | argus news | -Argusnews Home: Odisha Latest News, Breaking News, Trending News, Live TV and more