ସମ୍ବଲପୁର ଜିଲ୍ଲା ନାକଟିଦେଉଳ ବ୍ଲକର 'ଭୀମମଣ୍ଡଳୀ' ଐତିହାସିକ ପର୍ଯ୍ୟଟନସ୍ଥଳୀର ହେବ ବିକାଶ । ପ୍ରାଚୀନ ପ୍ରସ୍ତର ଯୁଗର ଗୁମ୍ଫା ଥିବା ଏହି ସ୍ଥାନର ପ୍ରଚାର ପ୍ରସାର ପାଇଁ ବଡ଼ ଘୋଷଣା କରିଛନ୍ତି କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ଗଙ୍ଗାଧର ବିଶ୍ଵବିଦ୍ୟାଳୟ ଆନୁକୁଲ୍ୟରେ ଆୟୋଜିତ ହେବ ଉଚ୍ଚସ୍ତରୀୟ କର୍ମଶାଳା । ଭାରତ ସରକାରଙ୍କ ICHR ସମେତ ବିଭିନ୍ନ ମାଧ୍ୟମରେ କରାଯିବ ଉଚ୍ଚ ଗବେଷଣା ।

ସମ୍ବଲପୁର ଜିଲ୍ଲା ନାକଟିଦେଉଳ ବ୍ଲକ ଚମ୍ପାଳୀ ନଦୀ ନିକଟରେ ଐତିହାସିକ ଭୀମମଣ୍ଡଳୀ ପରିଦର୍ଶନ କରିଛନ୍ତି କେନ୍ଦ୍ରମନ୍ତ୍ରୀ । ବହୁ ପୁରାତନ ପ୍ରସ୍ତର ଯୁଗର ଗୁମ୍ଫା ଓ ଚିତ୍ର ସବୁ ବୁଲି ଦେଖିଛନ୍ତି ଧର୍ମେନ୍ଦ୍ର ପ୍ରଧାନ । ଏଥିସହ ପାର୍ଶ୍ୱବର୍ତ୍ତୀ ଅଞ୍ଚଳରେ ବସବାସ କରୁଥିବା ଅଧିବାସୀମାନଙ୍କୁ ଭେଟିଥିଲେ ।

ଏହି ଅବସରରେ କେନ୍ଦ୍ର ଶିକ୍ଷାମନ୍ତ୍ରୀ କହିଛନ୍ତି, ଭୀମମଣ୍ଡଳୀରେ ୧୦୦ରୁ ଅଧିକ ଗୁମ୍ଫା ରହିଛି, ଯେଉଁଥିରେ ମାନବ ସଭ୍ୟତାର ପ୍ରମାଣ ମିଳିଛି । ଗୁମ୍ପା କାନ୍ଥରେ ହରିଣ, ହାତୀ ଓ ବିଭିନ୍ନ ସାଙ୍କେତିକ ଭାଷାର ଚିତ୍ର ଅଙ୍କା ଯାଇଛି । ASI ଅଧିକାରୀଙ୍କ ଦ୍ଵାରା କାର୍ବନ ଡେଟିଂରୁ ଏସବୁ ୩୦ ହାଜର ବର୍ଷ ତଳର ବୋଲି ଜଣାପଡିଛି । ଆଗାମୀ ଦିନରେ ଏହି ସ୍ଥାନର ବୈଷୟିକ ପରିଚୟ ତିଆରି କରାଯିବ । ଏଥିପାଇଁ ମେ ସୁଦ୍ଧା ସମ୍ବଲପୁର ଗଙ୍ଗାଧର ବିଶ୍ଵବିଦ୍ୟାଳୟ ଆନୁକୁଲ୍ୟରେ ଉଚ୍ଚସ୍ତରୀୟ କର୍ମଶାଳା କରି ଏହି ସ୍ଥାନର ପ୍ରଚାର ପ୍ରସାର ହେବ ।

ଭୀମମଣ୍ଡଳୀର ପ୍ରବେଶ ପଥ ଗୋଶରାମାଳ ପଟୁ ହେବ । ପର୍ଯ୍ୟଟନ ବଢ଼ାଇବା ପାଇଁ ବ୍ୟବସ୍ଥା କରାଯିବ । ଭୀମମଣ୍ଡଳୀ, ଦେବ୍ରିଗଡ, ହୀରାକୁଦକୁ ନେଇ ତିଆରି ହେବ ଇକୋ ଟୁରିଜିମ କ୍ଲଷ୍ଟର । ରାଜ୍ୟ ତଥା ରାଜ୍ୟ ବାହାର ଏବଂ ବିଦେଶୀ ପର୍ଯ୍ୟଟକ ମଧ୍ୟ ଏହି ପର୍ଯ୍ୟଟନସ୍ଥଳୀ ଗୁଡ଼ିକୁ ବୁଲିବାକୁ ଆସିବେ ।

ତେବେ ଭୀମ ମଣ୍ଡଳୀକୁ ନିଜ ଅଧିନକୁ ନେବା ପାଇଁ ଯୋଜନା କରୁଛି ASI । ଏହାସହ ଭୀମମଣ୍ଡଳୀ ଗୁମ୍ଫା ଓ ଏଥିରେ ଥିବା ପୁରାତନ ପ୍ରସ୍ତର ଚିତ୍ର ଗୁଡ଼ିକୁ ଜାତୀୟ ସୁରକ୍ଷା ଦେବା ପାଇଁ ବ୍ୟବସ୍ଥା କରାଯିବ । ଯେଉଁଥିପାଇଁ ପ୍ରାୟ ୨୧ଟି ଗୁମ୍ଫା ଚିହ୍ନଟ କରାଯାଇଛି । ସେଥିରେ ଲାଣ୍ଡିମାଲ ଓ ରାଏଲ ସଂରକ୍ଷିତ ଜଙ୍ଗଲରେ ୧୦ଟିରୁ ଉର୍ଦ୍ଧ୍ବ ଗୁମ୍ଫା ଚିହ୍ନଟ ହୋଇଛି । ଏହି ଗୁମ୍ଫା ଗୁଡ଼ିକୁ ସୁରକ୍ଷା ଦିଆଯିବ ବୋଲି କେନ୍ଦ୍ର ଶିକ୍ଷାମନ୍ତ୍ରୀଙ୍କ ସହ ଭୀମମଣ୍ଡଳୀ ପରିଦର୍ଶନ ବେଳେ କହିଛନ୍ତି ASI Superintendent ଡି.ବି. ଗଡ଼ନାୟକ ।

ଦେବ୍ରୀଗଡ଼, ଭୀମମଣ୍ଡଳୀ ଏବଂ ହୀରାକୁଦକୁ ନେଇ ସମନ୍ୱିତ ପର୍ଯ୍ୟଟନସ୍ଥଳୀର ବିକାଶ କରାଯିବ । ଏହାଦ୍ ରା ଏହାର ପ୍ରସିଦ୍ଧି ବଢିବା ସହ ଅଞ୍ଚଳରେ ରୋଜଗାର ବଢିବ କହିଛନ୍ତି କେନ୍ଦ୍ର ଶିକ୍ଷାମନ୍ତ୍ରୀ ।

Argus News | argus news | Odisha Latest News, Breaking News, Trending News, Live TV