ବଳ ଗୋଟାଉଛି, ମାଡିଆସୁଛି ବାତ୍ୟା ମୋନ୍ଥା। ବାତ୍ୟା ଆନ୍ଧ୍ରପ୍ରଦେଶ ମୁହାଁ। ଗତକାଲି ଅବପାତରେ ପରିଣତ ହେବା ପରେ ପଶ୍ଚିମ ଉତ୍ତର ପଶ୍ଚିମ ଦିଗରେ ଗତି କରି ଦକ୍ଷିଣ ପୂର୍ବ ବଙ୍ଗୋପସାଗରରେ ଗଭୀର ଅବପାତରେ ପରିଣତ ହୋଇଛି । ଗୋପାଳପୁର ନିକଟରୁ 920 କିଲୋମିଟର ଦକ୍ଷିଣ ଦକ୍ଷିଣ ପୂର୍ବରେ କେନ୍ଦ୍ରୀଭୂତ ହୋଇ ଆଗାମୀ ୨୪ ଘଣ୍ଟା ମଧ୍ୟରେ ଏହା ପୂର୍ବ କେନ୍ଦ୍ରୀୟ ଆରବ ସାଗର ଦେଇ ପ୍ରାୟ ପଶ୍ଚିମ ଦିଗରେ ଗତି କରିବାର ସମ୍ଭାବନା ଅଛି । ଆସନ୍ତାକାଲି ସାମୁଦ୍ରିକ ଝଡ଼ବାତ୍ୟା ଓ ୨୮ ତାରିଖରେ ‘ଭୀଷଣ ବାତ୍ୟା’ର ରୂପ ନେବ ବୋଲି ପୂର୍ବାନୁମାନ କରିଛନ୍ତି ଆଇଏମଡି ଡିଜି । ଆନ୍ଧ୍ରପ୍ରଦେଶ ଉପକୂଳ କଳିଙ୍ଗପଟ୍ଟନମ୍ ଓ ମଚ୍ଛଲିପଟ୍ଟନମ୍ ମଧ୍ୟରେ କାକିନାଡ଼ା ପାଖାପାଖି ବାତ୍ୟା ଲ୍ୟାଣ୍ଡଫଲ୍ କରିବାର ସମ୍ଭାବନା ରହିଛି ।

୨୮ ସନ୍ଧ୍ୟା ଓ ରାତ୍ରି ମଧ୍ୟରେ ଏହା ସ୍ଥଳଭାଗ ଛୁଇଁପାରେ । ଏହି ସମୟରେ ପବନର ବେଗ ରହିବ ଘଣ୍ଚା ପ୍ରତି 90ରୁ 100 କିଲୋମିଟର । ଝଟକାରେ ପବନର ବେଗ ରହିବ 110 କିଲୋମିଟର । ୨୮ ତାରିଖ ସନ୍ଧ୍ୟାରୁ ୨୯ ସକାଳ ମଧ୍ୟରେ ବେଶୀ ପ୍ରଭାବ ରହିବ ବୋଲି ସୂଚନା ଦେଇଛନ୍ତି IMD ଡିଜି ମୃତ୍ୟୁଞ୍ଜୟ ମହାପାତ୍ର। ବାତ୍ୟାକୁ ନେଇ ଓଡ଼ିଶା ଓ ଆନ୍ଧ୍ରପ୍ରଦେଶକୁ ରେଡ୍ ଓ୍ୱାର୍ଣ୍ଣିଂ ଜାରି କରିଛି ଭାରତୀୟ ପାଣିପାଗ ବିଭାଗ । ୨୭ରୁ ୨୯ ପର୍ଯ୍ୟନ୍ତ ଆନ୍ଧ୍ରପ୍ରଦେଶର କିଛି ଜିଲ୍ଲା ପାଇଁ ଓ ୨୮ ଓ ୨୯ ତାରିଖ ଓଡ଼ିଶାକୁ ରେଡ୍ ଓ୍ୱାର୍ଣ୍ଣିଂ ଜାରି ହୋଇଛି ।

ଆଉ ଇଏ ହେଉଛି କଳିଙ୍ଗପଟନମର ଦୃଶ୍ୟ । ୟମନ ନଦୀ ଓ ସମୁଦ୍ରର ମୁହାଣ ସ୍ଥଳ । କୋଷ୍ଟଗାର୍ଡମାନେ ପାଟ୍ରୋଲିଂ କରୁଛନ୍ତି । ଆକାଶମାର୍ଗରେ ହେଲିକପ୍ଟରରେ ପାଟ୍ରୋଲିଂ କରାଯାଉଛି । ପର୍ଯ୍ୟଟକମାନଙ୍କୁ ସତର୍କ କରାଯାଉଛି ସମୁଦ୍ରକୁ ନଯିବା ପାଇଁ । ଯେଉଁ ମତ୍ସ୍ୟଜୀବୀମାନେ ସମୁଦ୍ର ଭିତରକୁ ଯାଇଛନ୍ତି ସେମାନଙ୍କୁ ଫେରିଆସିବା ପାଇଁ କୁହାଯାଉଛି । ପୂର୍ବରୁ ଅର୍ଥାତ 2018ରୁ ଏ ପର୍ଯ୍ୟନ୍ତ ଏହି ଅଂଚଳରେ ବାତ୍ୟା 5ଥର ମାଡ଼ ହୋଇଛି । ଆମ ପ୍ରତିନିଧି ମନୋଜ ଦାସ ସେଠାରେ ସ୍ଥିତି ପରିଖିଛନ୍ତି ।

ବାତ୍ୟାର ପ୍ରଭାବରେ ଦକ୍ଷିଣ ଓଡ଼ିଶାରେ ୬୦ରୁ ୭୦ କିମି ପର୍ଯ୍ୟନ୍ତ ପବନ ବହିବ । କୋରାପୁଟ, ମାଲକାନଗିରି, ନବରଙ୍ଗପୁର, କଳାହାଣ୍ଡି, ନୂଆପଡ଼ା, ରାୟଗଡ଼ା, ବୌଦ୍ଧ, କନ୍ଧମାଳ, ଗଞ୍ଜାମ, ଗଜପତି ବର୍ଷା ହେବାର ସମ୍ଭାବନା ଅଛି । ତେବେ ଖାଲୁଆ ଅଂଚଳ ଜଳମଗ୍ନ ହେବ । ଏବଂ ପାହାଡିଆ ଅଂଚଳ ହୋଇଥିବାରୁ ଲ୍ୟାଣ୍ଡସ୍ଲାଇଡ ହେବାର ସମ୍ଭାବନା ଥିବା ସତର୍କ କରାଇଛନ୍ତି ଆଇଏମଡି ଡିଜି । ତେବେ ଓଡ଼ିଶା ଉପକୂଳ ଅଶାନ୍ତ ରହୁଥିବାରୁ ସମୁଦ୍ରକୁ ମତ୍ୟଜୀବୀମାନଙ୍କୁ ଯିବା ପାଇଁ ବାରଣ କରାଯାଇଛି ।

ଅଧିକ ପଢ଼ନ୍ତୁ ଓଡ଼ିଶା ଖବର: