ଅଗଷ୍ଟ ୧୨ରେ ପାଳନ ହେବ ଆଣ୍ଟି ରାଗିଂ ଦିବସ
Key Points
ଅଗଷ୍ଟ ୧୨ରୁ ୧୮ ପର୍ଯ୍ୟନ୍ତ ପାଳନ ହେବ ଆଣ୍ଟି ରାଗିଂ ଦିବସ
ସମସ୍ତ ବିଶ୍ୱବିଦ୍ୟାଳୟ କୁଳପତି, ସଚିବ ଓ କଲେଜ ଅଧ୍ୟକ୍ଷଙ୍କୁ UGCର ଚିଠି
ଆଣ୍ଟି ରାଗିଂ ଉପରେ ପିଲାଙ୍କୁ ସଚେତନ ସହ କରାଯିବ ବିଭିନ୍ନ କାର୍ଯ୍ୟକ୍ରମ
ଅଗଷ୍ଟ ୧୨ରେ ପାଳନ ହେବ ଆଣ୍ଟି ରାଗିଂ ଦିବସ । ସମସ୍ତ ବିଶ୍ୱ ବିଦ୍ୟାଳୟ କୁଳପତି ଓ ସଚିବଙ୍କୁ ୟୁଜିସିର ଚିଠି । ଏହା ସହ ସମସ୍ତ ମହାବିଦ୍ୟାଳୟର ଅଧକ୍ଷ ମାନଙ୍କୁ ମଧ୍ୟ ଚିଠି ଜାରି ହୋଇଛି । ଅଗଷ୍ଟ ୧୨ରୁ ୧୮ ତାରିଖ ପର୍ଯ୍ୟନ୍ତ ପାଳନ ଆଣ୍ଟି ରାଗିଂ ସପ୍ତାହ । କଲେଜ ଓ ବିଶ୍ୱ ବିଦ୍ୟାଳୟରେ ଆଣ୍ଟି ରାଗିଂ ଉପରେ ପିଲାଙ୍କୁ ସଚେତନ କରାଇବା ସହ କର୍ତ୍ତୃପକ୍ଷ କରିବେ ବିଭିନ୍ନ କାର୍ଯ୍ୟକ୍ରମ । ପୋଷ୍ଟର ମେକିଂ, ପ୍ରବନ୍ଧ ଲିଖନ, କୁଇଜ ପ୍ରତିଯୋଗିତା, ଫଟୋଗ୍ରାଫି ପ୍ରତିଯୋଗିତାରେ ଏହିଭଳି ଥିମ ବେସଡ୍ କାର୍ଯ୍ୟକ୍ରମ କରାଇବେ । ନିଜ ଶିକ୍ଷାନୁଷ୍ଠାନର ସୋସିଆଲ ମିଡିଆରେ ସାଇଟରେ ଏ ସବୁ ଫଟୋ, ଭିଡିଓ ଅପଲୋଡ଼ କରାଯିବ ।
ଛାତ୍ରଛାତ୍ରୀଙ୍କୁ ଜାତୀୟସ୍ତରରେ ଆଣ୍ଟି ରାଗିଙ୍ଗ ୨୦୨୫ ଉପରେ ସଚେତନତା ମୂଳକ ଫଟୋ, ଭିଡିଓ ବନାଇବା ସହ ଅପଲୋଡ଼ କରି ପ୍ରତିଯୋଗିତାରେ ଭାଗ ନେବାକୁ କର୍ତ୍ତୃପକ୍ଷ ଅବଗତ କରାଇବେ । www.antiraging.inରେ ଅପଲୋଡ଼ ହେବ । UGC ୨୦୨୩ ମସିହାରୁ ଏଭଳି ପଦକ୍ଷେପ ନେଇଥିବା ବେଳେ ପ୍ରତିବର୍ଷ ପିଲାଙ୍କୁ ସଚେତନ କରାଇବା ସହ କର୍ତ୍ତୃପକ୍ଷଙ୍କୁ ଏ ବାବଦରେ ନୂଆ ବିଜ୍ଞପ୍ତି ପ୍ରକାଶ କରିଛି ।
