ଟିଭି ପରଦାରେ ଆସିବ ଅର୍ଗସ ଯୁବ ପ୍ରତିଭା ସମ୍ମାନ । ଯୁବ ପ୍ରତିଭା ମାନଙ୍କୁ ନେଇ ଭୁବନେଶ୍ବର ସ୍ବସ୍ତିପ୍ରିମିୟମ ଠାରେ ଅନୁଷ୍ଠିତ ହୋଇଯାଇଥିବା ଅର୍ଗସ ଯୁବ ପ୍ରତିଭା ସମ୍ମାନ ୨୦୨୫ର ପ୍ରଥମ ସଂସ୍କରଣ ଟେଲିଭିଜନରେ ପ୍ରସାରଣ ହେବ । ଶିକ୍ଷା, ସ୍ବାସ୍ଥ୍ୟ, କୃଷି, ନବ ସୃଜନ ଓ ଉଦ୍ୟମିତା, ମହିଳା ସଶକ୍ତିକରଣ, ସାମାଜିକ ନେତୃତ୍ବ, ପରିବେଶ, ମନୋରଞ୍ଜନ, କ୍ରିଡ଼ା, ଭାଷା-ସାହିତ୍ୟ ଓ ପରମ୍ପରାରେ ଦକ୍ଷ ଯୁବ ପ୍ରତିଭାମାନଙ୍କୁ 'ଯୁବ ପ୍ରତିଭା ସମ୍ମାନ-2025' ପ୍ରଦାନ କରାଯାଇଛି ।

7 ଜୁନ୍ ଶନିବାର ରାତି 9ଟା 30 ରୁ 10 ଟା 30 ରେ ଦେଖିପାରିବେ ଅର୍ଗସ ଯୁବ ପ୍ରତିଭା ସମ୍ମାନ । ପୁନଃ ପ୍ରସାରଣ ହେବ 8 ଜୁନ୍ ରବିବାର ଅପରାହ୍ନ 2 ଟାରୁ 3 ଟା ପର୍ଯ୍ୟନ୍ତ ।

ଅର୍ଗସ ଯୁବ ପ୍ରତିଭା ସମ୍ମାନ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ । ସମ୍ମାନିତ ଅତିଥି ଭାବେ ଯୋଗ ଦେଇଥିଲେ ଉଚ୍ଚଶିକ୍ଷା ମନ୍ତ୍ରୀ ସୂର୍ଯ୍ୟବଂଶୀ ସୂରଜ । ସେହିଭଳି ମୁଖ୍ୟବକ୍ତା ଭାବେ ଯୋଗ ଦେଇଥିଲେ ସମାଜ ସେବୀ ତଥା ବିଜେପିର ପୂର୍ବତନ ଜାତୀୟ ପ୍ରବକ୍ତା ନୂପୁର ଶର୍ମା । ଅନ୍ୟତମ ମଞ୍ଚାସୀନ ଅତିଥି ରହିଥିଲେ ଅର୍ଗସ ନ୍ୟୁଜ୍ ସମ୍ପାଦକ ସଞ୍ଜୟ ଜେନା ଓ ମୁଖ୍ୟ କାର୍ଯ୍ୟନିବାହୀ ପ୍ରକାଶ ସାହୁ ।

ଏହି ପରିପ୍ରେକ୍ଷୀରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ କହିଥିଲେ ଯେଉଁମାନେ ଏହି ସମ୍ମାନ ପାଇଛନ୍ତି ସେମାନେ କେବଳ ନିଜ ସ୍ବପ୍ନକୁ ପୂରଣ କରୁନାହାନ୍ତି ବରଂ ଓଡ଼ିଶାର ସ୍ବପ୍ନ ପୂରଣ କରୁଛନ୍ତି । ନିଜେ ସଂଘର୍ଷ କରି ଅନ୍ୟମାନଙ୍କ ପାଇଁ ଏକ ନୂତନ ସୁଯୋଗ ସୃଷ୍ଟି କରୁଛନ୍ତି । କ୍ରୀଡ଼ା ଓ ଯୁବ ବ୍ୟାପାର ମନ୍ତ୍ରୀ। ସୂର୍ଯ୍ୟବଂଶୀ ସୁରଜ କହିଥିଲେ ବିକଶିତ ଓଡ଼ିଶା ସେତେବେଳେ ସମ୍ଭବ ହେବ ଯେତେବେଳେ ଯୁବ ପିଢ଼ି ଦାୟିତ୍ୱ ନେବେ । କାନ୍ଧରେ କାନ୍ଧରେ ମିଶେଇ ଆଗକୁ ବଢ଼ିବେ । ୨୦୨୭ ବିକଶିତ ଭାରତର ନେତୃତ୍ୱ ନେବ ଓଡ଼ିଶା ।

ତେବେ କେଉଁମାନଙ୍କୁ ଏହି ସମ୍ମାନରେ ସମ୍ମାନିତ କରାଯାଇଛି ଯଦି ଆପଣ ଜାଣିବାକୁ ଚାହୁଁଛନ୍ତି ତେବେ ଦେଖିବାକୁ ଜମାରୁ ଭୂଲିବେନି । ଆସନ୍ତାକାଲି ଶନିବାର ରାତି 9ଟା 30 ରୁ 10 ଟା 30 ଓ ରବିବାର ଅପରାହ୍ନ 2 ଟାରୁ 3 ଟା ମଧ୍ୟରେ ଦେଖିପାରିବେ ଅର୍ଗସ ଯୁବ ପ୍ରତିଭା ସମ୍ମାନ ୨୦୨୫ । ଏହି କାର୍ଯ୍ୟକ୍ରମ ଆପଣଙ୍କୁ ନିଜ ପାଇଁ, ରାଜ୍ୟ ପାଇଁ ଓ ଦେଶ ପାଇଁ କିଛି କରିବାର ପ୍ରେରଣା ଦେବ ନିଶ୍ଚୟ ।