ଏବେ ପେପରଲେସ ହେଲା ବିଧାନସଭା । ପେପର ନୁହେଁ ଟ୍ୟାବରେ ପଢିବେ ବିଧାୟକ । ବିଧାନସଭାରେ ୧୪୭ ବିଧାୟକଙ୍କ ଆସନରେ ଲାଗିଲା ଟ୍ୟାବ । ଆଉ ପ୍ରଶ୍ନୋତ୍ତର କିମ୍ବା କୌଣସି ପ୍ରସ୍ତାବ କାଗଜ ଜରିଆରେ କରିବେନି ବିଧାୟକ । ନେଭା ତରଫରୁ ଟ୍ୟାବରେ ବିଧାୟକ କରିପାରିବେ କାମ । ବାଚସ୍ପତି ସୁରମା ପାଢୀଙ୍କ ଉପସ୍ଥିତିରେ ବିଧାନସଭାରରେ ଜାତୀୟ ଇ ବିଧାନ ଆପ୍ଲିକେସନ ବା ନେଭା ଅଧିନରେ ଡିଜିଟାଲ ହାଉସର ଶୁଭାରମ୍ଭ କରିଛନ୍ତି ମୁଖ୍ୟମନ୍ତ୍ରୀ ।

ସ୍ମାର୍ଟ ହେବେ ବିଧାୟକ । ଗୃହର ସମସ୍ତ ପ୍ରୋସିଡିଂ ବିଷୟରେ ଗୋଟିଏ ଫିଙ୍ଗର ପ୍ରିଣ୍ଟରେ ବିଧାୟକ ମାନେ ଜାଣିପାରିବେ । ନେଭା ତରଫରୁ ହୋଇଛି ଏହି ବ୍ୟବସ୍ଥା । ଆସନ୍ତାକାଲି ଠାରୁ ବିଧାନସଭା ଅଧିବେଶନ ଆରମ୍ଭ ହେଉଥିବା ବେଳେ ସମସ୍ତ ବିଧାୟକ ମାନଙ୍କୁ ଘଣ୍ଟେଏ ଲେଖାଏଁ ତାଲିମ ମଧ୍ୟ ଦିଆଯିବ । ଏହାଦ୍ୱାରା ବିଧାୟକ ମାନଙ୍କ ଡିଜିଟାଲ ଆଟେଡାଣ୍ଟ ରହିବ । କିଏ କେତେ ସମୟ ଆଲୋଚନାରେ ଭାଗ ନେଉଛନ୍ତି, ତାର ତଥ୍ୟ ବି ରହିବ । ଦେଶର ୧୭ତମ ରାଜ୍ୟ ଭାବେ ଓଡିଶା ବିଧାନସଭା ସଂପୂର୍ଣ୍ଣ ପେପର ଲେସ ହୋଇଛି । ପ୍ରଧାନମନ୍ତ୍ରୀଙ୍କ ନିର୍ଦ୍ଦେଶ କ୍ରମେ ୱାନ ନେସନ ୱାନ ଆପ୍ଲିକେସନ କାର୍ଯ୍ୟକ୍ରମ କରାଯାଇଛି । ତେବେ ଉଭୟ ସରକାରୀ ଦଳ ଓ ବିରୋଧୀ ଦଳ ବିଧାୟକ ମନେ ଏହି ପଦକ୍ଷେପକୁ ସ୍ୱାଗତ କରିଛନ୍ତି ।

ପୂର୍ବରୁ ଓଡିଶାରେ ଲାଗୁ ହୋଇପାରୁନଥିଲା ପେପରଲେସ ବ୍ୟବସ୍ଥା। ବହୁ ଆଗରୁ ଆନ୍ଧ୍ରରେ ଏ ବ୍ୟବସ୍ଥା ହୋଇ ସାରିଛି। ପୂର୍ବ ସରକାର ଫାଇଭ ଟି ଜୋର ଦେଉଥିଲେ ବି ଟେକ୍ଲୋଲୋଜିକୁ ବ୍ୟବହାର କରିବା କ୍ଷେତ୍ରରେ କେଇଁଠି ନା କେଉଁଠି ପଛରେ ପଡିଥିଲେ। ଏବେ ବିଧାନସଭା ପେପରଲେସ୍ ହେଲେ କାଗଜ ବାବଦ ଖର୍ଚ୍ଚ କମିବ । ସମସ୍ତ ତଥ୍ୟ ମଧ୍ୟ ସୁରକ୍ଷିତ ରହିବ ।