ସହକାରୀଯନ୍ତ୍ରୀଙ୍କୁ କ୍ବାଟରରେ ପଶି ପିଟିଲେ ଦୁର୍ବୁତ୍ତ । କୋକସରା ଥାନାରେ ଏନେଇ ଅଭିଯୋଗ ହୋଇଛି । କଳାହାଣ୍ଡି ଜିଲ୍ଲା କୋକସରା ବ୍ଲକ କାର୍ଯ୍ୟାଳୟରେ କାର୍ଯ୍ୟରତ ଥିବା ସହକାରୀଯନ୍ତ୍ରୀ ସର୍ବେଶ୍ୱର ପ୍ରଧାନଙ୍କୁ ମରଣାନ୍ତକ ଆକ୍ରମଣ । ସେହି ଗ୍ରାମର ଯୁବକ ସନ୍ତୋଷ ନାଏକ ଓ ତାର ୪ଜଣ ସହଯୋଗୀ ଯନ୍ତ୍ରୀଙ୍କ କ୍ବାଟରରେ ପହଞ୍ଚି ତୁ ବିଧାୟକଙ୍କ ଚାମଚାଗିରି କରୁଛୁ ବୋଳି ଗାଳିଗୁଲଜ କରିବା ସହ ଛୁରୀରେ ଆକ୍ରମଣ କରିଥିଲେ । ମରଣାନ୍ତକ ଆକ୍ରମଣ କରି କ୍ବାଟରରେ ଥିବା ଆସବାବପତ୍ର ଫିଙ୍ଗିଥିଲେ ।

ସହକାରୀ ଯନ୍ତ୍ରୀ ଜୀବନ ବିକଳରେ ନିକଟରେ ଥିବା ବିଡ଼ିଓଙ୍କ କ୍ବାଟରକୁ ଦୌଡ଼ି ପଳାଇଥିଲେ । ଖାଲି ସେତିକି ନୁହେଁ ଆକ୍ରମଣ କାରୀ ବିଡ଼ିଓଙ୍କ କ୍ବାଟରରେ ପଶି ମଧ୍ୟ ଯନ୍ତ୍ରିକୁ ମାଡ଼ ମାରିଥିବା ଅଭିଯୋଗ ହୋଇଛି । ଏନେଇ ବ୍ଲକର ବିଡ଼ିଓଙ୍କ ସହ କାର୍ଯ୍ୟରତ ସମସ୍ତ ଅଧିକାରୀ ଓ କର୍ମଚାରୀ କୋକସରା ଥାନାରେ ସନ୍ତୋଷ ନାଏକ ଓ ୪ ସହଯୋଗୀଙ୍କ ନାମରେ ଲିଖିତ ଅଭିଯୋଗ କରିଛନ୍ତି । ଅଭିଯୁକ୍ତଙ୍କୁ ଗିରଫ ସହ ଦୃଢ଼ କାର୍ଯ୍ୟାନୁଷ୍ଠାନ ଦାବି କରିଛନ୍ତି ।