ରାଜ୍ୟରେ ପାଳନ ହେବ ଆବାସ ଦିବସ । ପ୍ରତି ଜିଲ୍ଲା ଏବଂ ପୌର ସଂସ୍ଥାରେ ଆୟୋଜନ ହେବ ସହରାଞ୍ଚଳ ପ୍ରଧାନମନ୍ତ୍ରୀ ଆବାସ ମେଳା । ସମସ୍ତ ଜିଲ୍ଲପାଳଙ୍କୁ ଚିଠି ଲେଖିଛନ୍ତି ନଗର ଉନ୍ନୟନ ବିଭାଗର ପ୍ରମୁଖ ଶାସନ ସଚିବ ଉଷା ପାଢ଼ୀ । ସହରାଞ୍ଚଳ ପ୍ରଧାନମନ୍ତ୍ରୀ ଆବାସ ଯୋଜନାର 2.0 ଅଙ୍ଗିକାର-2025 ଆୟୋଜନ ପାଇଁ ଚିଠିରେ ଉଲ୍ଳେଖ ରହିଛି ।

ପ୍ରଧାନମନ୍ତ୍ରୀଙ୍କ ଜନ୍ମ ଦିନରୁ ଆରମ୍ଭ ହୋଇ ୨ଟି ପର୍ଯାୟରେ ଅକ୍ଟୋବର ୩୧ ପର୍ଯ୍ୟନ୍ତ ଚାଲିବ । ୧୭ ସେପ୍ଟେମ୍ବରରୁ ୧୬ ଅକ୍ଟୋବର ମଧ୍ୟରେ ପ୍ରତ୍ୟେକ ULBରେ ଏକାଧିକ ୱାର୍ଡ ସ୍ତରୀୟ ଶିବିର ଆୟୋଜନ ହେବ । 16 ଅକ୍ଟୋବରରୁ ୩୧ ଅକ୍ଟୋବର ମଧ୍ୟରେ ପ୍ରତ୍ୟେକ ଜିଲ୍ଲାରେ ହେବ ପିଏମ୍‌ ଆବାସ ମେଳା । ଅଙ୍ଗିକାର ନିର୍ଦ୍ଦେଶାବଳୀ ଅନୁଯାୟୀ ଜିଲ୍ଲା ସ୍ତରରେ ଗଠନ ହେବ ସମନ୍ୱୟ କମିଟି । ଜିଲ୍ଲା ସ୍ତରରେ ପ୍ରତ୍ୟେକ କାର୍ଯ୍ୟକ୍ରମ ପାଇଁ 50 ହଜାର ଟଙ୍କା ବ୍ୟୟବରାଦ ହୋଇଛି ।