ଅନୁଗୁଳ: ଅନୁଗୁଳ ଜିଲ୍ଲା ବଅଁରପାଳ ଥାନା ଅନ୍ତର୍ଗତ ତୁଳସୀପାଳ ଗ୍ରାମରେ ଗଜମିତ୍ରଙ୍କୁ ଆକ୍ରମଣ ନେଇ ଥାନାରେ ଲିଖିତ ଅଭିଯୋଗ ହୋଇଛି । ଅଭିଯୋଗକାରୀଙ୍କ ସୂଚନା ମୁତାବକ ତୁଳସୀପାଳ ଗ୍ରାମର ଷଣ୍ଢପଥର ଅଞ୍ଚଳରେ ଦଳ ହାତୀ ରହିଥିଲେ। ଅଞ୍ଚଳରେ ହାତୀର ସୁରକ୍ଷା ପାଇଁ ଗଜମିତ୍ରମାନେ ଉପସ୍ଥିତ ଥିଲେ । ଗ୍ରାମର କିଛି ଯୁବକ ହାତୀ ନିକଟକୁ ଯାଇ ବିରକ୍ତ କରିବା ସହ ଟେକା ପଥର ସାହାଯ୍ୟରେ ଆକ୍ରମଣ କରୁଥିଲେ ।

ଗଜମିତ୍ରମାନେ ଏହି କାର୍ଯ୍ୟକୁ ବିରୋଧ କରିବାରୁ ଗ୍ରାମର ଧୂଲେଶ୍ବର ସେଠୀଙ୍କ ପୁଅ କୃଷ୍ଣ ସେଠୀ ଓ ପ୍ରଶ୍ନ ବେହେରାଙ୍କ ପୁଅ ପ୍ରବିଣ ବେହେରା ଝଗଡ଼ା କରିଥିଲେ । ଶେଷରେ ଦୁଇ ଯୁବକ ଉତକ୍ଷୀପ୍ତ ହୋଇ ଟେକା ପଥର ସାହାଯ୍ୟରେ ଗଜମିତ୍ରମାନଙ୍କୁ ଆକ୍ରମଣ କରି ଆହତ କରିଥିଲେ । ଏହା ବିଷୟରେ ବନ ଅଧିକାରୀ ସୂଚନା ପାଇ ବଅଁରପାଳ ଥାନାରେ ଲିଖିତ ଅଭିଯୋଗ କରିଛନ୍ତି ।