ବାଲେଶ୍ୱର:  କୁବୋଟା ଦୁର୍ନୀତିକୁ ଲୋକ ଲୋଚନକୁ ଆଣିଥିବା ତନ୍ମୟ ମହାନ୍ତିଙ୍କ ଉପରେ ଆକ୍ରମଣ । ରାଜନୈତିକ ଆକ୍ରୋଶ ରଖି ସୁଧାଂଶୁ ପରିଡା ଏହି ଆକ୍ରମଣ କରିଥିବା ଅଭିଯୋଗ ହୋଇଛି । କୁବୋଟା କେଳେଙ୍କାରୀ ଅଭିଯୋଗରେ ସୁଧାଂଶୁ ପରିଡାଙ୍କ ନାଁରେ ଲୋକାୟୁକ୍ତରେ ଅଭିଯୋଗ କରିଥିଲେ ତନ୍ମୟ । ଭିଜିଲାନ୍ସକୁ ତଦନ୍ତ ନିର୍ଦ୍ଦେଶ ଦେଇଥିଲେ ଲୋକାୟୁକ୍ତ । ଏଥିରେ ଦୁର୍ନୀତିରେ ସୁଧାଂଶୁଙ୍କ ସଂପୃକ୍ତି ଥିବା ପ୍ରମାଣିତ ହୋଇଥିଲା । 

ପରେ ସୁଧାଂଶୁ ପରିଡାଙ୍କୁ ବିଜେଡି ଦଳରୁ ବହିଷ୍କାର କରିଥିଲା । ଯାହାକୁ ନେଇ ରାଜନୈତିକ ଶତ୍ରୁତା ରଖି ତନ୍ମୟଙ୍କ ଉପରେ ରେମୁଣା ବିଧାୟକ ସୁଧାଂଶୁ ପରିଡ଼ା ଆକ୍ରୋଶମୂଳକ ବାବେ ଆକ୍ରମଣ କରିଥିବା ଅଭିଯୋଗ ହୋଇଛି । ଏହି ଆକ୍ରମଣରେ ସ୍ଥାନୀୟ କଣ୍ଟ୍ରାକ୍ଟର ପ୍ରଭାତ ବିଶ୍ଵାଳଙ୍କ ହାତ ଥିବା ଅଭିଯୋଗ ହୋଇଛି । ବର୍ତ୍ତମାନ ତାନ୍ମୟଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି ।