କଟକ:  ରେଭେନ୍ସା ବିଶ୍ୱବିଦ୍ୟାଳୟରେ ବିଏ ବିଡି ପାଠ୍ୟକ୍ରମରେ ଅଧ୍ୟୟନ କରୁଥିବା ଛାତ୍ରଛାତ୍ରୀ ଭିସି ଅଫିସ ଘେରାଉ କରିଛନ୍ତି । ସେମାନଙ୍କ କହିବାନୁଯାୟୀ ବିଏ ବିଡ଼ି ପାଠ୍ୟକ୍ରମରେ ରେଭେନ୍ସା ବିଶ୍ୱବିଦ୍ୟାଳୟରେ ଅଧ୍ୟୟନ କରିବା ପରେ, ସେମାନଙ୍କ ସାର୍ଟିଫିକେଟ ଗ୍ରହଣ ଯୋଗ୍ୟ ହେଉନାହିଁ । କେନ୍ଦ୍ରୀୟ ଶିକ୍ଷା ନୀତିରେ ଚାଲୁଥିବା ଶିକ୍ଷାନୁଷ୍ଠାନରେ ସେମାନଙ୍କ ସାର୍ଟିଫିକେଟ ଗ୍ରହଣ ଯୋଗ୍ୟ ହେଉନାହିଁ । ବାରମ୍ବାର କର୍ତ୍ତୃପକ୍ଷକଙ୍କ ଦୃଷ୍ଟି ଆକର୍ଷଣ କରିବା ପରେ ବି କର୍ତ୍ତୃପକ୍ଷ ଶୁଣୁ ନାହାନ୍ତି । ଆମେ କଣ କରିବୁ କହି ଧାରଣାରେ ଶହ ଶହ ଛାତ୍ରଛାତ୍ରୀ । 

ସେପଟେ ଭିସି କହୁଛନ୍ତି ଆମେ ଏ ବିଷୟରେ ଉପର ଅଥରିଟିକୁ ଜଣାଇଛୁ । ହେଲେ ବର୍ଷେ ବିତିଗଲାଣି । ଏବେ ଯାଏ କିଛି ସଲ୍ୟୁସନ ବାହାରୁନି । ଯାହାକୁ ନେଇ ତାତିଛନ୍ତି ଛାତ୍ରଛାତ୍ରୀ । 

ଯୋଗ୍ୟତା ଥାଇ ବି ଚାକିରି ପାଇବାକୁ ଅଯୋଗ୍ୟ ଏମାନେ । ସେପଟେ ରାଜ୍ୟ ସରକାର ନୂଆ ଓ କାର୍ଯ୍ୟକ୍ରମ କରୁଛନ୍ତି । ଛାତ୍ରଛାତ୍ରୀଙ୍କୁ ରିଲ୍ସ କରିବାକୁ ସୋସିଆଲ ମିଡିଆରେ ଆକ୍ଟିଭ ରହିବାକୁ ପରାମର୍ଶ ଦେଉଛନ୍ତି । ପରୀକ୍ଷା ଆଉ କେଇଟା ଦିନ ଥିବାବେଳେ ନୂଆ ଓ କାର୍ଯ୍ୟକ୍ରମ କରି ପିଲାଙ୍କୁ କାର୍ଯ୍ୟକ୍ରମକୁ ଯିବାକୁ ବାଧ୍ୟ କରୁଛନ୍ତି । ନେହେଲ ମାର୍କ କାଟିଦେବାର ଧମକ ଦେଉଛନ୍ତି । ଏଥିରୁ ଆପଣ ବୁଝିପାରୁଥିବେ ରାଜ୍ୟ ସରକାର ଶିକ୍ଷାକୁ କେତେ ଗୁରୁତ୍ୱ ଦେଉଛନ୍ତି । ଛାତ୍ରଛାତ୍ରୀଙ୍କ ଭବିଷ୍ୟତକୁ ନେଇ କେତେ ଚିନ୍ତା କରୁଛନ୍ତି ।