ମୟୁରଭଞ୍ଜ: ସ୍କୁଲ କାନ୍ଥରେ ବଡ ବଡ ଫାଟ । ତଳେ ଲାଗିଥିବା ଟାଇଲ୍ ଭାଙ୍ଗିଗଲାଣି । ନଜର ପକାନ୍ତୁ ମୟୂରଭଞ୍ଜ ବଡସାହି ବ୍ଲକ୍ କେନ୍ଦୁଡିହା ପଞ୍ଚାୟତର କୁଳିଅଣା (ବି) ସରକାରୀ ଉଚ୍ଚ ବିଦ୍ୟାଳୟ ଉପରେ । 5ଟି ଅଧିନରେ କୋଟି କୋଟି ଟଙ୍କାର କାମ ହେଲା । ହେଲେ ବର୍ଷକ ଭିତରେ ନୂଆ ସ୍ମାର୍ଟ ଶ୍ରେଣୀଗୃହ ରେ ଚାରିଆଡେ ଫାଟ। ତଳେ ଲାଗିଥିବା ଟାଇଲ୍ ର ଅବସ୍ଥା ବି ନକହିବା ଭଲ । 5t ଯୋଜନାରେ ପ୍ରତି ହାଇସ୍କୁଲ କୁ ଦିଆଯାଇଥିବା ୩୦ ଲକ୍ଷ ୩୫ ଲକ୍ଷ ୪୦ ଲକ୍ଷ ଟଙ୍କା ହେଲା କଣ ? ଏହାର ଉତ୍ତର କାହାରି ପାଖରେ ନାହିଁ ।

ବିଦ୍ୟାଳୟର ସମ୍ମୁଖରେ ଲାଗିଥିବା ଫଳକରେ ୩୫ ଲକ୍ଷ ୪୧ ହଜାର ଟଙ୍କାର ଅନୁଦାନ ଖର୍ଚ୍ଚ ହୋଇଥିଲା । ହେଲେ ବିଦ୍ୟାଳୟକୁ ପ୍ରବେଶ ପଥରେ ଗେଟ୍ ଟିଏ ନାହିଁ । ଡବଲ ଇଞ୍ଜିନ ସରକାର ଆସିବା ପରେ 5ଟି ଦୁର୍ନୀତିର ତଦନ୍ତ ନେଇ ଗତ ୨୧ ତାରିଖରେ ବିଧାନସଭାରେ ଦାବି ରଖିଛନ୍ତି ବଡ଼ସାହି ବିଧାୟକ ସନାତନ ବିଜୁଳି । ଯାହାକୁ ସାଧାରଣରେ ସ୍ବାଗତ କରାଯାଇଛି ।

ଖାଲି ବଡସାହି ବ୍ଲକ୍ ନୁହେଁ, ବେତନଟୀ ବ୍ଲକ୍ ପାଟୁଳିପୁରା ହାଇସ୍କୁଲ, ନଡୁପୁର ହାଇସ୍କୁଲ ଭଳି ଅନେକ ବିଦ୍ୟାଳୟରେ ଏଭଳି ଦୁର୍ନୀତି ହୋଇଥିବା ଅଭିଯୋଗ ହୋଇଛି । କାହା ସ୍ବାର୍ଥରେ ବିନା ଟେଣ୍ଡରରେ କାମ ହେଲା ତାକୁ ନେଇ ଉଠିଛି ପ୍ରଶ୍ନ । ଏହାର ତଦନ୍ତ ହେଲେ 24ବର୍ଷ ବିଜେଡି ସରକାରର ପାରିବା ପଣିଆ ପଦାକୁ ଆସିବ ବୋଲି କହିଛନ୍ତି ଜନତା ।

Argus News | argus news | Odisha Latest News, Breaking News, Trending News, Live TV