ଫୁଲୁଛି ବୈତରଣୀ । ଉପର ମୁଣ୍ଡରେ ଲଗାଣ ବର୍ଷା ଯୋଗୁଁ ବୈତରଣୀ ନଦୀରେ ଚଳିତ ବର୍ଷ ତୃତୀୟ ଥର ପାଇଁ ଆସିଛି ବନ୍ୟା ଜଳ । ଆଖୁଆପଦାଠାରେ ବିପଦ ସଙ୍କେତ ଉପରେ ପ୍ରବାହିତ ହେଉଛି ବୈତରଣୀ । ସକାଳ ୯ଟା ସୁଦ୍ଧା ବିପଦ ସଙ୍କେତ ଟପି ୧୮.୫୧ ମିଟରରେ ପ୍ରବାହିତ ହେଉଛି ବୈତରଣୀ ନଦୀ। ନଦୀର ଜଳସ୍ତର ବୃଦ୍ଧି ହେବା ସହ କଣ୍ଟିଘାଇ ଏସ୍କକେଫ୍ ଦେଇ ଧିରେ ଧିରେ ଜନ ବସତି ଆଡକୁ ବନ୍ୟାଜଳ ପ୍ରବେଶ କରୁ ଥିବାର ଦେଖାଯାଇଛି l ସେହିପରି ଏସ୍କକେଫ୍ ଦେଇ ବନ୍ୟାଜଳ ପ୍ରବେଶ କରୁଥିବାରୁ ଆଖପାଖ ଗାଁ ମାଳଦା, ଷୋଳମପୁର, କୁରିଗାଁ, ନପଙ୍ଗ, ରହଣିଆ ଆଦି ଗାଁ ଜଳମଗ୍ନ ହେବାର ଆଶଙ୍କା କରାଯାଉଛି । 

ଅଧିକ ପଢନ୍ତୁ ଓଡ଼ିଶା ଖବର...