ବଳଙ୍ଗା ପୀଡ଼ିତାଙ୍କ ସଂପନ୍ନ ହୋଇଛି ଶେଷକୃତ୍ୟ
Key Points
ବଳଙ୍ଗା ପୀଡ଼ିତାଙ୍କ ସଂପନ୍ନ ହୋଇଛି ଶେଷକୃତ୍ୟ
ବଳଙ୍ଗା ପୀଡିତା ମୃତ୍ୟୁ ପରେ ତେଜିଲା ରାଜନୀତି
ରାଜଧାନୀରେ ବିକ୍ଷୋଭ କଲା କଂଗ୍ରେସ, ନିମାପଡାରେ କରିବ ପଦଯାତ୍ରା
୭ ତାରିଖରେ ପୁରୀରେ 6 ଘଣ୍ଟିଆ ହରତାଳ ଡାକରା ଦେଲା ବିଜେଡି
ବଳଙ୍ଗା ପୀଡ଼ିତାଙ୍କ ସଂପନ୍ନ ହୋଇଛି ଶେଷକୃତ୍ୟ । ନିଜ ଗାଁ ବାୟାବରରେ ନମାଜ ପାଠ ପରେ ମୃତଦେହକୁ ଦିଆଗଲା କବର । ଝିଅକୁ ଝୁରୁଛି ବାୟାବର ଗାଁ, ଶୋକାକୂଳ ପରିବେଶ । ଗାଁରେ ପହଞ୍ଚି ପୀଡିତାଙ୍କ ପରିବାରକୁ ଭେଟି ସମବେଦନା ଜଣାଇଛନ୍ତି ଉପମୁଖ୍ୟମନ୍ତ୍ରୀ ପ୍ରଭାତି ପରିଡା । ଗତକାଲି ରାତିରେ ନୂଆଦିଲ୍ଲୀରୁ ଆସି ଭୁବନେଶ୍ବର ବିମାନବନ୍ଦରରେ ପହଞ୍ଚିଥିଲା ପୀଡ଼ିତାଙ୍କ ମୃତଦେହ। ଏହାପରେ କଡ଼ା ସୁରକ୍ଷା ବଳୟ ଭିତରେ ମୃତଦେହକୁ ବାୟାବର ଗାଁ ଅଭିମୁଖେ ନିଆଯାଇଥିଲା । ସ୍ୱତନ୍ତ୍ର କାର୍କେଡ୍ରେ ଏକ ପ୍ଲାଟୁନ ପୋଲିସ ଫୋର୍ସ ମଧ୍ୟ ଉପସ୍ଥିତ ଥିଲେ । କିନ୍ତୁ ପୀଡିତାଙ୍କ ପରିବାରର ବାରମ୍ବାର ଅନୁରୋଧ ସତ୍ତ୍ଵେ ଥମୁନି ରାଜନୀତି। ପୁରୀରେ ଦୁଇ 7 ରେ ହରତାଲ ଡାକରା ଦେଇଛି ବିଜେଡି । ସେପଟେ କଂଗ୍ରେସ ପକ୍ଷରୁ ବଳଙ୍ଗା ପୀଡିତାଙ୍କ ମୃତ୍ୟୁ ଘଟଣାକୁ ନେଇ ଭୁବନେଶ୍ଵରରେ କରାଯାଇଛି ବିକ୍ଷୋଭ ପ୍ରଦର୍ଶନ ।
ଏହାସହ ବଳଙ୍ଗାରେ ମଧ୍ୟ ଘଟଣା ସ୍ଥଳରୁ ନିମାପଡ଼ା ପର୍ଯ୍ୟନ୍ତ ପଦଯାତ୍ରା ସହ ସଭା ହେବ ବୋଲି କହିଛନ୍ତି ପିସିସି ସଭାପତି । ଅନ୍ୟପଟେ କଡା କାଉଣ୍ଟର କରି ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡା କହିଛନ୍ତି, ମହିଳାଙ୍କ ଶବ ଉପରେ ରାଜନୀତି କରୁଛନ୍ତି ବିରୋଧୀ। ମାନସିକ ଚିନ୍ତା ଯୋଗୁଁ ଜୀବନ ଗଲା। ଝିଅର ଚିକିତ୍ସା ପାଇଁ ସରକାର ସବୁ ପଦକ୍ଷେପ ନେଇଥିଲେ। ଏ କଥା ନିଜେ ବଳଙ୍ଗା ପୀଡିତାଙ୍କ ବାପା କହିଛନ୍ତି। ସେପଟେ ପୋଲିସ ମଧ୍ୟ ପୀଡିତାଙ୍କ ପୋଡି ହେବା ଘଟଣାରେ ଅନ୍ୟ କୌଣସି ବ୍ୟକ୍ତି ସଂପୃକ୍ତ ନଥିବା ସ୍ପଷ୍ଟ କରିଛି । ଆଉ ସରକାର ପ୍ରଥମେ ଭୁବନେଶ୍ଵର ଏମ୍ସ ଏବଂ ପରେ ଉତ୍ତମ ଚିକିତ୍ସା ପାଇଁ ଏୟାର ଲିଫ୍ଟ କରି ପୀଡିତାଙ୍କୁ ଦିଲ୍ଲୀ ଏମ୍ସ ପଠାଇଥିଲେ । କିନ୍ତୁ ଶତ ଚେଷ୍ଟା ସତ୍ତ୍ଵେ ବି ପୀଡିତାଙ୍କ ଜୀବନ ବଞ୍ଚିପାରିଲା ନାହିଁ । ମାଟିରେ ମିଶିଛି ପୀଡିତାଙ୍କ ପାର୍ଥିବ ଶରୀର । ଏଭଳି ସ୍ଥିତିରେ ଆଗକୁ ରାଜନୀତିର ମୋଡ କୁଆଡେ ଯାଉଛି ତାହା ଉପରେ ରହିଛି ନଜର।
