ବାଲିଅନ୍ତା ଭିଡ଼ ଭିତରେ ସୌମ୍ୟ ରଞ୍ଜନ ସ୍ୱାଇଁଙ୍କୁ ହତ୍ୟା ମାମଲା । ବଢିଲା ବରିଷ୍ଠ ଆଇପିଏସଙ୍କ ଅଡୁଆ...ଆଜି କ୍ରାଇମବ୍ରାଞ୍ଚ ଡିଜିଙ୍କ ନିର୍ଦ୍ଦେଶ ପରେ ରିପୋର୍ଟ ଦାଖଲ କରିଛନ୍ତି ADG...ରେଲୱେ ଓ କୋଷ୍ଟାଲ ସିକ୍ୟୁରିଟି ଏଡିଜିଙ୍କୁ ରିପୋର୍ଟ ମାଗିଥିଲା କ୍ରାଇମବ୍ରାଞ୍ଚ। ପୂର୍ବରୁ ଏଡିଜି ଦୟାଲ ଗଙ୍ଗୱାରଙ୍କ ନାଁରେ ଅଭିଯୋଗ ଆଣିଥିଲେ ସୌମ୍ୟଙ୍କ ପରିବାର । 

ବଢିଲା ବରିଷ୍ଠ ଆଇପିଏସଙ୍କ ଅଡୁଆ... ଭିଡ ହତ୍ୟାର ଶିକାର ସୌମ୍ୟଙ୍କୁ ଆଇପିଏସ ବାବୁ ନିର୍ଯାତନା ଦେଉଥିବା ହୋଇଥିଲା ଅଭିଯୋଗ ।  ରେଲୱେ ଓ କୋଷ୍ଟାଲ  ସିକ୍ୟୁରିଟି ଏଡିଜିଙ୍କୁ ରିପୋର୍ଟ ମାଗିଥିଲା କ୍ରାଇମବ୍ରାଞ୍ଚ । ଡିଜିଙ୍କୁ ତଦନ୍ତ ରିପୋର୍ଟ ଦେଲେ ରେଲୱେ ଏଡିଜି ଅରୁଣ ବୋଥ୍ରା । ପୂର୍ବରୁ ଏଡିଜି ଦୟାଲ ଗଙ୍ଗୱାରଙ୍କ ନାଁରେ ଅଭିଯୋଗ ଆଣିଥିଲେ ସୌମ୍ୟଙ୍କ ପରିବାର । 

କନଷ୍ଟେବଲ୍ ସୌମ୍ୟ ରଂଜନ ସ୍ବାଇଁଙ୍କ ବରିଷ୍ଠ ଆଇପିଏସ୍ ଦେଉଥିଲେ କି ନିର୍ଯାତନା, ଘରକୁ ଡାକି କରାଉଥିଲେ କି ଜିମ୍ ଟ୍ରେନିଂ, ସୌମ୍ୟ ପ୍ରତିଦିନ କରୁଥିଲେ କି ଆଇପିଏସ୍ ବାବୁଙ୍କ ବଡି ମସାଜ୍, ସବୁ ପ୍ରଶ୍ନର ଉତ୍ତର ତଦନ୍ତ ରିପୋର୍ଟରେ ବନ୍ଦ । ଗତ ୨୬ତାରିଖରେ କ୍ରାଇମବ୍ରାଞ୍ଚ ଡିଜି ରେଲୱେ ଆଣ୍ଡ କୋଷ୍ଟାଲ ସିକ୍ୟୁରିଟି ADG ଙ୍କୁ ଚିଠି ଲେଖି ତଦନ୍ତ ରିପୋର୍ଟ ଦେବାକୁ କହିଥିଲେ । ମୃତ GRP କନେଷ୍ଟବଳ ଙ୍କୁ ଜଣେ ବରିଷ୍ଠ IPS ଅଧିକାରୀ ଘରୋଇ କାମରେ ନିୟୋଜିତ କରୁଥିବା ସୌମ୍ୟଙ୍କ ବାପା ମାଆ ଅଭିଯୋଗ ଆଣିଥିଲେ । ଯେଉଁ ଅଭିଯୋଗ ଆଧାରରେ ତଦନ୍ତ ରିପୋର୍ଟ ଦେବାକୁ କୁହାଯାଇଥିଲା । କ୍ରାଇମବ୍ରାଞ୍ଚ ତଦନ୍ତ ରିପୋର୍ଟ ପାଇବା ପରେ ପରବର୍ତ୍ତୀ ତଦନ୍ତ ପ୍ରକ୍ରିୟା କଣ ରହୁଛି ତା ଉପରେ ନଜର ।

ଗତ ମେ ୭ତାରିଖରେ ରାମଚନ୍ଦ୍ରପୁର କାଜ ନିକଟରେ ଗାଡି ଦୁର୍ଘଟଣାକୁ ନେଇ ଘଟିଥିଲା ଭିଡ଼ ହତ୍ୟା । GRP କନେଷ୍ଟବଳ ସୌମ୍ୟ ରଞ୍ଜନ ସ୍ୱାଇଁ ଙ୍କୁ ଲୋକ ମାନେ ପିଟି ପିଟି ହତ୍ୟା କରିଥିଲେ । ସେହି ଦିନ ଠାରୁ ସୌମ୍ୟଙ୍କ ବାପା ମାଆ ADG ଦୟାଲ ଗଙ୍ଗୱାରର ସମ୍ପୃକ୍ତି ନେଇ ଅଭିଯୋଗ କରିଥିଲେ । ସୌମ୍ୟ ଙ୍କୁ ADG ଘରକୁ ଡାକୁଥିଲେ । ମାଲିସ କରିବା ପାଇଁ କହୁଥିଲେ । NHRC ଟିମ ଆଗରେ ମଧ୍ୟ ସୌମ୍ୟଙ୍କ ମାଆ ଗୋଟି ଗୋଟି ଅଭିଯୋଗ ଆଣିଥିଲେ ।

ସୌମ୍ୟ ରଞ୍ଜନ ସ୍ୱାଇଁ ଙ୍କୁ ହତ୍ୟା ଘଟଣାରେ ବାଲିଅନ୍ତା ଥାନା ପୋଲିସ ୧୧ ଜଣଙ୍କୁ ଗିରଫ କରିଥିବା ବେଳେ କ୍ରାଇମବ୍ରାଞ୍ଚ ୭ଜଣଙ୍କୁ ଗିରଫ କରିଛି । ଆଗକୁ ମଧ୍ୟ ଗିରଫଦାରି ସଂଖ୍ୟା ବଢ଼ିପାରେ । ଭାଇରଲ ଭିଡ଼ିଓ ଆଧାରରେ ଘଟଣାସ୍ଥଳରେ ଉପସ୍ଥିତ ଥିବା ସମସ୍ତ ଙ୍କୁ ଚିନ୍ହଟ କରିଛି କ୍ରାଇମବ୍ରାଞ୍ଚ । ହେଲେ ଏବେ ବି ସନ୍ଦେହ ଘେରରେ ତଦନ୍ତ ।