ମିଳୁନି ମୌଳିକ ସୁବିଧା, ପାଣି ପାଇଁ ଲୋକ ହନ୍ତସନ୍ତ

ସାରସକଣାର ଦୁର୍ଗମ ଗାଁ ପାଳସିଡିହି। ଗାଁକୁ ଯିବାକୁ ହେଲେ ବିଶୋଇ ବନବିଭାଗ କାର୍ଯ୍ୟାଳୟ ସମ୍ମୁଖରୁ 49 ନମ୍ବର ଜାତୀୟ ରାଜପଥ ଠାରୁ 3 କିଲୋ ମିଟର ଜଙ୍ଗଲ ମଧ୍ଯ ଦେଇ ଯିବାକୁ ପଡେ। ରାସ୍ତା ଅବସ୍ଥା ବିପର୍ଯ୍ୟସ୍ତ। ଗାଁ କୁ ଯିବା ପାଇଁ ଭଲ ରାସ୍ତା ଟିଏ ନାହିଁ। ସଂକୀର୍ଣ୍ଣ ମାଟି ରାସ୍ତା ଦେଇ ଗଲେ ପଡେ ପାଳିଶିଡିହି । ରାସ୍ତା ରୁ ମେଟାଲ ଉଠିଯାଇ ପଥଚାରୀ ଙ୍କ ପାଇଁ ବିପଦ ସୃଷ୍ଟି କରୁଛି। ବର୍ଷା ଦିନ କଥା ନ କହିବା ଭଲ। ଏହି ବିପର୍ଯ୍ୟସ୍ତ ରାସ୍ତା ଉପରେ ରେ ୩ ଟି ଗାଁ ର ଲୋକେ ନିର୍ଭର କରୁଥିବାବେଳେ ପ୍ରଶାସନ ଦୃଷ୍ଟି ଦେଉନଥିବା ଅଭିଯୋଗ ହୋଇଛି।

ଗାଁରେ ପାନୀୟ ଜଳ ସମସ୍ୟା ତଦୃପ । ଜଳ ଯୋଗାଣ ପାଇଁ ମେଗା ପାନୀୟ ଜଳ ପ୍ରକଳ୍ପ ନିର୍ମାଣ ହେଲା। ପାଇପ ଲାଇନ୍ ବିଛା ସରିଲା, ହେଲେ ଏଯାଏଁ କାର୍ଯ୍ୟକ୍ଷମ ହୋଇପାରିଲାନି । ଗାଁରେ ଏବେ ଗୋଟିଏ ନଳକୂପରୁ ପାଣି ବାହାରୁଛି। ମାତ୍ର ତାହାବି ଗୋଳିଆ ପାଣି। ମାତ୍ର ଜଳ ଯୋଗାଣର ବିକଳ୍ପ ନଥିବାରୁ ଏହି ପାଣି ପିଇବାକୁ ବାଧ୍ୟ ହେଉଛନ୍ତି ଅଞ୍ଚଳ ବାସୀ l ଏହି ପାଣି ପାଇଁ ଲାଇନ ଲାଗିବା ସହ ମହିଳା ମାନଙ୍କ ମଧ୍ୟରେ ଝଗଡ଼ା ବି ହେଉଥିବା ନଜିର ରହିଛି l ସରକାର ବଦଳିଛି, ଲୋକ ଙ୍କ ମନରେ ଆଶା ଯାଗିଛି। ଲୋକଙ୍କ ଭରସା ପୂର୍ବ ସରକାରଙ୍କ ଭଳି ଏ ସରକାର ଧୋକା ଦେବେନି। ଗାଁରେ କାର୍ଯ୍ୟକ୍ଷମ ହେବ ଯୋଜନା।