ଭାରତୀୟ ପାଣିପାଗ ବିଭାଗ (IMD) ଅନୁଯାୟୀ, ଅକ୍ଟୋବର 21 ତାରିଖରେ ଦକ୍ଷିଣ ବଙ୍ଗୋପସାଗରରେ ଏକ ଲଘୁଚାପ ସୃଷ୍ଟି ହେବାର ସମ୍ଭାବନା ଅଛି, ଯାହା ଅକ୍ଟୋବର ୨୩ ସୁଦ୍ଧା ଡିପ୍ରେସନରେ ପରିଣତ ହୋଇପାରେ। IMD ପୂର୍ବାନୁମାନ ଅନୁସାରେ, ଏହି ପ୍ରଣାଳୀ ପ୍ରଥମେ ଉତ୍ତର-ପଶ୍ଚିମ ଦିଗକୁ ଗତି କରିବ ଏବଂ ତାପରେ ତାମିଲନାଡୁ ଏବଂ ଦକ୍ଷିଣ ଆନ୍ଧ୍ର ପ୍ରଦେଶ ଆଡକୁ ଏହାର ଗତି ପରିବର୍ତ୍ତନ କରିବ।

ଏହାସହ ପଢ଼ନ୍ତୁ: ଓଡ଼ିଶାରୁ ବିଦାୟ ନେଲା ମୌସୁମୀ, ଏବେ କେମିତି ରହିବ ଆଗକୁ ପାଗ…

ତଥାପି, IMD ସ୍ପଷ୍ଟ କରିଛି ଯେ ଏହି ପ୍ରଣାଳୀ ଓଡ଼ିଶାର ପାଗ ଉପରେ କୌଣସି ପ୍ରଭାବ ପକାଇବ ନାହିଁ। ନିମ୍ନ ଚାପ କ୍ଷେତ୍ର ତୀବ୍ରତର ହୋଇ ଏକ ଡିପ୍ରେସନରେ ପରିଣତ ହୋଇପାରେ, କିନ୍ତୁ ଏହାର ଗତିପଥ ଏବଂ ତୀବ୍ରତା ଏପର୍ଯ୍ୟନ୍ତ ଅନିଶ୍ଚିତ। ଏହି ସମୟରେ, ପାଣିପାଗ ମଡେଲଗୁଡ଼ିକ ସୂଚାଇଛି ଯେ ଏହା ତାମିଲନାଡୁ ଏବଂ ଦକ୍ଷିଣ ଆନ୍ଧ୍ର ପ୍ରଦେଶ ଆଡକୁ ଗତି କରିପାରେ, କିନ୍ତୁ ଓଡ଼ିଶା ଉପରେ କୌଣସି ପ୍ରଭାବ ପଡ଼ିବାର ସମ୍ଭାବନା ନାହିଁ, "IMDର ଜଣେ ଅଧିକାରୀ କହିଛନ୍ତି।

୧୫ରୁ କମିପାରେ ରାତି ତାପମାତ୍ରା,୨ରୁ ୩ ଡିଗ୍ରୀ ଖସିବ ପାରଦ

GFS ମଡେଲ ପୂର୍ବାନୁମାନ କରିଛି ଯେ ଏହି ପ୍ରଣାଳୀ ଅକ୍ଟୋବର 23 ସୁଦ୍ଧା ଡିପ୍ରେସନରେ ପରିଣତ ହେବ ଏବଂ ଉତ୍ତର ତାମିଲନାଡୁ ଏବଂ ଦକ୍ଷିଣ ଆନ୍ଧ୍ର ପ୍ରଦେଶ ନିକଟରେ ପହଞ୍ଚିବ। ତଥାପି, ଅନ୍ୟ ମଡେଲଗୁଡ଼ିକ ଏହି ପୂର୍ବାନୁମାନକୁ ସମର୍ଥନ କରିନାହାନ୍ତି। ଆଇଏମଡି ପୂର୍ବାନୁମାନ ଅନୁଯାୟୀ, ଆଗାମୀ ସପ୍ତାହରେ, ରାଜ୍ୟର କୌଣସି ସ୍ଥାନରେ ବର୍ଷା ହେବାର ସମ୍ଭାବନା ନାହିଁ। ଓଡ଼ିଶାରେ ପାଗ ମୁଖ୍ୟତଃ ଶୁଖିଲା ଅନୁଭୂତ ହେବ।