ଭୁବନେଶ୍ୱର: ସୁନା କିଣୁଥିଲେ ସାବଧାନ । କାରଣ ଓଜନ ମାପରେ ଠକୁଛନ୍ତି ସୁନା ଦୋକାନୀ । ଗତ 3 ବର୍ଷରେ ମାପକ ରେ ତ୍ରୁଟି ନେଇ ସାମ୍ନାକୁ ଆସିଛି 16ଟି ମାମଲା । ରୁଜୁ ମାମଲାରୁ 2 ଲକ୍ଷ 26 ହଜାର 500 ଜୋରିମାନା ଆଦାୟ କରିଛନ୍ତି ସରକାର । ଖାଲି ସେତିକି ନୁହେଁ ନିମ୍ନ ମାନର ସୁନା ଦେଇ ଧରାପଡିଛନ୍ତି 8 ଦୋକାନୀ । ସେଥିରୁ 4 ଜଣଙ୍କ ପଞ୍ଜିକରଣ ବାତିଲ କରାଯାଇଥିବା ବେଳେ 3 ଜଣଙ୍କୁ ପଞ୍ଜିକରଣ ବାତିଲ ପାଇଁ ନୋଟିସ୍ ଦିଆଯାଇଛି । ଆଉ ଗୋଟିଏ ମାମଲା ବିଚାରଧୀନ ରହିଛି । ଏନେଇ ଗୃହରେ ବିଧାୟକ ପ୍ରଶାନ୍ତ ବେହେରାଙ୍କ ପ୍ରଶ୍ନରେ ଉତ୍ତର ରଖିଛନ୍ତି ଯୋଗାଣ ମନ୍ତ୍ରୀ ।

ସେହିପରି ରାଜ୍ୟରେ ସୁନା ଗହଣାର ମାପକରେ ସ୍ୱଚ୍ଛତା ରକ୍ଷା ପାଇଁ କଣ ସବୁ ପଦକ୍ଷେପ ଗ୍ରହଣ କରାଯାଉଛି ସେନେଇ ଲିଖିତ ଉତ୍ତର ରଖିଛନ୍ତି ମନ୍ତ୍ରୀ ।

୧.ରାଜ୍ୟରେ ସୁନା ଗହଣା ଦୋକାନ ମାନଙ୍କରେ ଯେପରି ସଠିକ ମାପ ଦେବେ ଏହା ସୁନିଶ୍ଚିତ କରିବା ପାଇଁ ବୈଧମାପ ବିଜ୍ଞାନ ନିର୍ଦ୍ଦେଶାଳୟ ଦ୍ୱାରା Legal metrology act 2009 ଏବଂ Orissa legal metrology rules 2011 ର ବିଭିନ୍ନ ଧାରା ଓ ଉପଧାରାକୁ ମାପ ଓଜନ ଅଧିକାରୀ ଓ ନୀରିକ୍ଷକ ମାନଙ୍କୁ କଡାକଡି ଭାବେ ପାଳନ କରିବା ପାଇଁ ଦାୟିତ୍ୱ ଦିଆଯାଇଛି ।

୨.ସୁନା ଗହଣା ଦୋକାନ ଗୁଡିକ ଏବଂ ଅନ୍ୟାନ୍ୟ ବ୍ୟବସାୟ ପ୍ରତିଷ୍ଠାନରେ ବ୍ୟବହୃତ ମାସ ଓ ଓଜନ ଯନ୍ତ୍ର ଗୁଡିକୁ ଯାଞ୍ଚ କରିବା ପାଇଁ ୭୨ଗୋଟି ପ୍ରୟୋଗଶାଳା ବିଭିନ୍ନ ସହକାରୀ ନିୟନ୍ତ୍ରକ ଓ ନିରୀକ୍ଷକ ମାନଙ୍କ ତତ୍ତ୍ଵାବଧାନରେ ସାରା ରାଜ୍ୟରେ କାର୍ଯ୍ୟ କରୁଅଛି

୩.ରାଜ୍ୟରେ ସବୁ ସୁନା ଗହଣା ଦୋକାନରେ ବ୍ୟବହାର ହେଇଥିବା ଇଲେକ୍ଟ୍ରୋନିକ ଓଜନ ଯନ୍ତ୍ର ଓ ମାପ ଓଜଳ ଉପକରଣ ଇତ୍ୟାଦି ନିୟମିତ ବ୍ୟବଧାନରେ ଯାଞ୍ଚ କରାଯାଇ ନିରୀକ୍ଷକଙ୍କ ଦ୍ବାରା ମୋହର କରାଯାଇ ପ୍ରମାଣପତ୍ର ଦିଆଯାଇଥାଏ, ଯାହାକୁ ଦୋକାନର ପ୍ରମୁଖ ସ୍ଥାନରେ ଗ୍ରାହକଙ୍କ ଅବଗତି ନିମନ୍ତେ ପ୍ରଦର୍ଶନ କରିବାର ବିଧ୍ୱଂ ବ୍ୟବସ୍ଥା ରହିଛି ।

୪. ସୁନା ଗହଣା ଦୋକାନ ମାନଙ୍କରେ ବ୍ୟବହୃତ ଓଜନ ଯନ୍ତ୍ରର ସଠିକତା ନିରୂପଣ ପାଇଁ ପ୍ରତ୍ୟେକ ଓଳନ ଯନ୍ତ୍ର ପାଖରେ ବିଭାଗ ଦ୍ଵାରା ଯାଞ୍ଚ ହୋଇଥିବା କଟକରା ରଖାଯିବାପାଇଁ ନିର୍ଦେଶ ଦିଆଯାଇଛି ଫଳରେ ଏହାଦ୍ବାରା ଗ୍ରାହକମାନେ ଓଜନ ଯନ୍ତ୍ରର ସଠିକତା ଯା କରିପାରିବେ ।

୫.ଜିଲ୍ଲା ସ୍ତରରେ ବୈଧ ମାସ ବିଜ୍ଞାନ ଅଧିକାରୀ ଓ ନିରୀକ୍ଷକଙ୍କ ଦ୍ବାରା ବିଭିନ୍ନ ସୁନା ଗହଣା ଦୋକାନ ଉପରେ ନିୟମିତ ଓ ଅଚାନକ ଚଢାଉ କରାଯାଇ ନିୟମ ଉଲଘନକାରୀଙ୍କ ବିରୋଧରେ ମକଦ୍ଦମା ରୁଜୁ କରାଯାଉଛି ଓ ଆବଶ୍ୟକସ୍ଥଳେ ଜୋରିମାନା ଆଦାୟ କରାଯାଉଛି ।

୬. ଜିଲ୍ଲାର ବିଭିନ୍ନ ସଂଗଠନ ମାନଙ୍କ ମାଧ୍ୟମରେ ବିଭିନ୍ନ ବ୍ଳକ ଓ ଜିଲ୍ଲାସ୍ତରୀୟ କର୍ମଶାଳା ଆୟୋଜନ କରାଯାଇ ମାସ ଓ ଓଜନ ଠକେଇ ବିଷୟରେ ସତର୍କତା ଅବଳମ୍ବନ ପାଇଁ ସାଧାରଣ ଖାଉଟି ମାନଙ୍କୁ ସଚେତନ କରାଯାଇଛି ।

ଆହୁରି ପଢନ୍ତୁ ପାର୍ବଣରେ କାହିଁକି ବଢୁଛି ସୁନା ଦର ?

BIS ହଲମାର୍କ (HUID) ସୁନା ଅଳଙ୍କାର କ୍ରୟକୁ ପ୍ରୋତ୍ସାହିତ କରିବା ପାଇଁ BIS ବିଭିନ୍ନ ସଚେତନତା କାର୍ଯ୍ୟକ୍ରମ ଆୟୋଜନ କରୁଛି । ହଲମାର୍କ ସୁନାର ମାନକରେ ତ୍ରୁଟି ରୋକିବା ପାଇଁ ଭାରତୀୟ ମାନକ ବ୍ୟୁରୋ (BIS) ନିୟମିତ ଭାବରେ ବଜାରରୁ ହଲମାର୍କ ସୁନା ଅଳଙ୍କାର ଜମୁନା ସଂଗ୍ରହ କରି ସୁନାର ମାନକକୁ ପରୀକ୍ଷା କରିବା ପାଇଁ BIS ପରୀକ୍ଷାଗାରକୁ ପଠାଉଛି । ଯଦି ନମୁନା ପରୀକ୍ଷାରେ ବିଫଳ ହେଉଛି, ତାହା ହେଲେ BIS Act, 2016 ଅନୁଯାୟୀ ପଦକ୍ଷେପ ନିଆଯାଇଛି ।

ସୁନାର ମାନକ ରେ ଛୁଟ୍ ରୋକିବା ପାଇଁ, ଭାରତୀୟ ମାନକ ବ୍ୟୁରୋ (BIS)ନିୟମିତ ଭାବରେ ବଜାରରୁ ହଲମାର୍କ ସୁନା ଅଳଙ୍କାର ନମୁନା ସଂଗ୍ରହ କରି ସୁନାର ମାନକକୁ ପରୀକ୍ଷା କରିବା ପାଇଁ BIS ପରୀକ୍ଷାଗାରକୁ ପଠାଉଛି । ଯଦି ନମୁନା ପରୀକ୍ଷାରେ ବିଫଳ ହେଉଛି, ତାହାହେଲେ BISAct, 2016 ଅନୁଯାୟୀ ପଦକ୍ଷେପ ନିଆଯାଉଛି ।

Argus News | argus news | Odisha Latest News, Breaking News, Trending News, Live TV