ଆସନ୍ତା କାଲି ଭାରତ ବନ୍ଦ ଡାକରା । କେନ୍ଦ୍ରୀୟ ବାଣିଜ୍ୟ ସଂଗଠନ ଏହି ବନ୍ଦ ଡାକରା ଦେଇଥିବା ବେଳେ ୧୦ରୁ ଅଧିକ ସଂଗଠନ ଏହାକୁ ସମର୍ଥନ ଦେଇଛନ୍ତି । ସେହିଭଳି ବ୍ୟାଙ୍କ ଆସୋସିଏସନ୍‌ ମଧ୍ୟ ବନ୍ଦକୁ ପୂର୍ଣ୍ଣ ସମର୍ଥନ ଦେଇଛି । ତେଣୁ ଭାରତ ବନ୍ଦର ପ୍ରଭାବ କାଁ ଭାଁ ଦେଖିବାକୁ ମିଳିପାରେ । ଏହି ବନ୍ଦ ଡାକରାକୁ ଅନେକ ଚାଷୀ ସଂଗଠନ ସମର୍ଥନ ଜଣାଇଛନ୍ତି ।ଫେବୃଆରୀ ୧୨ରେ କ'ଣ ବନ୍ଦ ରହିବ ? ଭାରତ ବନ୍ଦ ଡାକରା ଦିଆଯାଇଥିବାରୁ ବ୍ୟାଙ୍କ ସେବା ବନ୍ଦ ରହିବାର ଯଥେଷ୍ଟ ସମ୍ଭାବନା ରହିଛି ।

ସେପଟେ ବନ୍ଦ ଡାକରାକୁ କଡ଼ା ସମାଲୋଚନା କରିଛି ବିଜେପି । ଯେଉଁ ସଂଗଠନ ମାନେ ଶ୍ରମିକମାନଙ୍କୁ ନେଇ ବେପାର କରୁଛନ୍ତି । ଶ୍ରମିକ ଆନ୍ଦୋଳନରେ ଯେଉଁ ସଂଗଠନ ମାନଙ୍କର ରୋଜି ରୁଟି ଚାଲୁଛି । ଶ୍ରମିକ ନାଁରେ ବର୍ଷ ବର୍ଷ ଧରି ରାଜନୀତି କରୁଛନ୍ତି ସେମାନେ ଏହି ବନ୍ଦ ଡାକରା ଦେଇଛନ୍ତି ବୋଲି ଅଭିଯୋଗ କରିଛି ବିଜେପି।

ବନ୍ଦ ଡାକରା ଫଳରେ ରାଜ୍ୟରେ ସରକାରୀ କାର୍ଯ୍ୟାଳୟ ବନ୍ଦ ରହିପାରେ । କିଛି ଅଞ୍ଚଳରେ ସାର୍ବଜନୀନ ପରିବହନ ସେବାରେ ବାଧା ଆସିପାରେ । ସେହିଭଳି କିଛି ସ୍ଥାନରେ ସ୍କୁଲ, କଲେଜ୍ ମଧ୍ୟ ବନ୍ଦ ରହିବାର ସମ୍ଭାବନା ରହିଛି । କିଛି ଅଞ୍ଚଳରେ ଶିକ୍ଷାନୁଷ୍ଠାନ ବନ୍ଦ ରହିପାରେ ।

ପଢ଼ନ୍ତୁ ଏହି ଖବର: କାଲି ଭାରତ ବନ୍ଦ: ଆଜି ବଦଳିଲା ପେଟ୍ରୋଲ ଡିଜେଲ ମୂଲ୍ୟ... ଜାଣନ୍ତୁ ପେଟ୍ରୋଲ ଡିଜେଲ ମୂଲ୍ୟ କେତେ?

ବିରୋଧ ପ୍ରଦର୍ଶନ ହେଉଥିବା ଅଞ୍ଚଳରେ ବଜାର ଏବଂ ଦୋକାନଗୁଡ଼ିକ ମଧ୍ୟ ବନ୍ଦ ରହିପାରେ । ସେହିଭଳି କିଛି ସ୍ଥାନରେ ସମ୍ଭାବ୍ୟ ରାସ୍ତା ବନ୍ଦ ଭଳି ସ୍ଥିତି ଦେଖିବାକୁ ମିଳିବ । ଓଡ଼ିଶାରେ ମଧ୍ୟ ଭାରତ ବନ୍ଦର ପ୍ରଭାବ ଦେଖିବାକୁ ମିଳିପାରେ ।

କଣ ଖୋଲା ରହିବ?

ଘରୋଇ କାର୍ଯ୍ୟାଳୟ ଖୋଲା ରହିପାରେ । ହସ୍ପିଟାଲ ଏବଂ ଆମ୍ବୁଲାନ୍ସ ଭଳି ଜରୁରୀକାଳୀନ ସେବା ବନ୍ଦରୁ ବାଦ୍ ପଡିବେ । ବିମାନବନ୍ଦର ଏବଂ ଅତ୍ୟାବଶ୍ୟକୀୟ ସାମଗ୍ରୀ ପରିବହନ ହୋଇପାରିବ । ଅନଲାଇନ୍ ବ୍ୟାଙ୍କିଂ ଏବଂ ATM ସେବା ଜାରି ରହିବ ।

କେନ୍ଦ୍ର ସରକାରଙ୍କ ୪ଟି ନୂଆ ଲେବର୍‌ କୋଡକୁ ବିରୋଧ କରି ଏହି ବନ୍ଦ ଡାକରା ଦିଆଯାଇଛି । ସୂଚନା ଯେ, ପୂର୍ବ ବର୍ଷ ମୋଟ ୨୯ଟି ଲେବର୍‌ ଲ'କୁ ସରକାର ବଦଳାଇଥିଲେ । ଆଉ ଏହା ବଦଳରେ ୪ଟି ନୂଆ ଲେବର କୋଡ ଆଣିଥିଲେ । ତେବେ ଏହାକୁ ବିରୋଧ କରି ଭାରତ ବନ୍ଦ ଡାକରା ଦିଆଯାଇଛି ।

ଆସନ୍ତା କାଲି ହେବାକୁ ଥିବା ଭାରତ ବନ୍ଦରେ କେବଳ  ବ୍ୟାଙ୍କ ସେବା ସବୁଠାରୁ ଅଧିକ ପ୍ରଭାବିତ ହେବ ବୋଲି ଆଶା କରାଯାଉଛି।