କେବେ ସୁଦ୍ଧା ଭୁବନେଶ୍ୱରରେ ଗଡ଼ିବ ମେଟ୍ରୋ । କେବେ ବାସ୍ତବ ରୂପ ନେବ ମେଟ୍ରୋ ପରିକଳ୍ପନା । ଏଭଳି ଚର୍ଚ୍ଚା ଆଲୋଚନା ଭିତରେ ମେଟ୍ରୋ ନେଇ କେନ୍ଦ୍ର ସରକାରଙ୍କୁ ପ୍ରସ୍ତାବ ଦେଇଛନ୍ତି ରାଜ୍ୟ ସରକାର । ରାଜ୍ୟସଭାରେ ବିଜେଡି ସାଂସଦ ସସ୍ମିତ ପାତ୍ରଙ୍କ ପ୍ରଶ୍ନରେ ନଗର ଉନ୍ନୟନ ରାଷ୍ଟ୍ର ମନ୍ତ୍ରୀ ରଖିଛନ୍ତି ଏହି ଉତ୍ତର । କେନ୍ଦ୍ରକୁ ରାଜ୍ୟର ପ୍ରସ୍ତାବ ପରେ ପୁଣି ଥରେ ଉଜ୍ଜୀବିତ ହେଲା ଆଶା । କେନ୍ଦ୍ରର ସହାୟତାରେ ଓଡ଼ିଶାରେ ଗଡ଼ିବ ଦୀର୍ଘସ୍ଥାୟୀ ଓ ଦୀର୍ଘମିଆଦି ମେଟ୍ରୋ । ସେପଟେ ନଗର ଉନ୍ନୟନ ମନ୍ତ୍ରୀ କହିଲେ, ପୂର୍ବ ସରକାରଙ୍କ ମେଟ୍ରୋ ପରିକଳ୍ପନା ଥିଲା କେବଳ ନିର୍ବାଚନ ଭେଳିକି।

କେବେ ସୁଦ୍ଧା ଭୁବନେଶ୍ୱରରେ ଗଡ଼ିବ ମେଟ୍ରୋ । କେବେ ବାସ୍ତବ ରୂପ ନେବ ମେଟ୍ରୋ ପରିକଳ୍ପନା । ଏଭଳି ଚର୍ଚ୍ଚା ଆଲୋଚନା ଭିତରେ ମେଟ୍ରୋ ନେଇ କେନ୍ଦ୍ର ସରକାରଙ୍କୁ ପ୍ରସ୍ତାବ ଦେଇଛନ୍ତି ରାଜ୍ୟ ସରକାର । ରାଜ୍ୟସଭାରେ ବିଜେଡି ସାଂସଦ ସସ୍ମିତ ପାତ୍ରଙ୍କ ପ୍ରଶ୍ନରେ ନଗର ଉନ୍ନୟନ ରାଷ୍ଟ୍ର ମନ୍ତ୍ରୀ ରଖିଛନ୍ତି ଏହି ଉତ୍ତର । ଆହୁରି କହିଛନ୍ତି ଓଡ଼ିଶା ସରକାର ପୂର୍ବରୁ ଭାରତ ସରକାରଙ୍କ ସୂଚନା ଏବଂ ଆର୍ଥିକ ସହାୟତା ବିନା ଭୁବନେଶ୍ବର ମେଟ୍ରୋ ରେଳ ପ୍ରକଳ୍ପ ସହିତ ଆଗକୁ ବଢ଼ିଥିଲେ । ମାତ୍ର ବର୍ତ୍ତମାନ ଦୀର୍ଘକାଳୀନ କାର୍ଯ୍ୟକ୍ଷମତା, ସ୍ଥାୟୀତ୍ୱ ଏବଂ ସହରାଞ୍ଚଳ ଗତିଶୀଳତା ଆବଶ୍ୟକତାକୁ ଦୃଷ୍ଟିରେ ରଖି ଭୁବନେଶ୍ବର ମେଟ୍ରୋ ରେଳ ପ୍ରକଳ୍ପ ପାଇଁ ପ୍ରସ୍ତାବ ଦେଇଛନ୍ତି ରାଜ୍ୟ ସରକାର । କେନ୍ଦ୍ର ରାଷ୍ଟ୍ର ମନ୍ତ୍ରୀଙ୍କ ଉତ୍ତର ପରେ ରାଜ୍ୟ ନଗର ଉନ୍ନୟନ ମନ୍ତ୍ରୀ କହିଛନ୍ତି କେନ୍ଦ୍ରକୁ ଦିଆଯାଇଛି ପ୍ରସ୍ତାବ ।

ସେପଟେ ପୂର୍ବ ସରକାରଙ୍କ ମେଟ୍ରୋ ପରିକଳ୍ପନା କେବଳ ନିର୍ବାଚନ ଭେଳିକି ଥିଲା ବୋଲି କହି ବିଜେଡିକୁ କଟାକ୍ଷ ମଧ୍ୟ କରିଛନ୍ତି ମନ୍ତ୍ରୀ । କହିଛନ୍ତି କେବଳ ଘୋଷଣାରେ ସୀମିତ ଥିଲା ମେଟ୍ରୋ । କୌଣସି ବ୍ୟୟ ବରାଦ ହୋଇ ନଥିଲା । ଯାହାର ଜବାବ ରଖିଛି ବିଜେଡି ।

୨୦୧୮ ରେ ତତ୍କାଳୀନ ବିଜେଡି ସରକାର ଟୁଇନ ସିଟି ରେ ମେଟ୍ରୋ ଗଡେଇବାକୁ ଘୋଷଣା କରିଥିଲେ । 2019 ନିର୍ବାଚନ ଇସ୍ତାହାର ରେ ବି ସ୍ଥାନ ଦେଇ ଭୋଟ ମାଗିଥିଲେ । କିନ୍ତୁ ନିର୍ବାଚନ ଜିତିବା ପରେ, 2041 ପର୍ଯ୍ୟନ୍ତ ମେଟ୍ରୋ ସମ୍ଭବ ନୁହେଁ ବୋଲି କହି ଏଡାଇ ଯାଇଥିଲେ । ହେଲେ କଣ ହେଲା କେଜାଣି ଏପ୍ରିଲ 1 2023ରେ ମେଟ୍ରୋ କରିବା ନେଇ ଘୋଷଣା କରିଥିଲେ ତତକାଳିନ ମୁଖ୍ୟମନ୍ତ୍ରୀ ।

୨୦୨୪ ନିର୍ବାଚନର ଠିକ ପୂର୍ବରୁ ଭାଙ୍ଗୁଥିବା ଭୋଟବ୍ୟାଙ୍କ କୁ ଦେଖି ଜାନୁଆରୀ 1ରେ ମେଟ୍ରୋ ପ୍ରକଳ୍ପର କରିଥିଲେ ଶିଳାନ୍ୟାସ । ତେବେ ତାହା ଦୀର୍ଘସ୍ଥାୟୀ ଓ ଦିର୍ଘମିଆଦି ନୁହେଁ ବୋଲି କହି କେନ୍ଦ୍ର ସହାୟତାରେ ନୂଆ ଢାଞ୍ଚା ରେ ନୂଆ ପ୍ରକଳ୍ପ କରିବାକୁ ଅଣ୍ଟା ଭିଡ଼ିଛନ୍ତି ବିଜେପି ସରକାର । ଦେଖିବାର କଥା ଏହା କେବେ ବାସ୍ତବ ରୂପ ନେଉଛି ।