ଆଜିଠାରୁ ବଦଳିବ ନିୟମ । ପିଏଫ ଆକାଉଣ୍ଟଧାରୀଙ୍କୁ ମିଳିବ ବଡ଼ ଉପହାର। ଆଧାର, ୟୁପିଆଇ ସହ ଏଲ୍‌ପିଜି କ୍ଷେତ୍ରରେ ବି ହେବ ପରିବର୍ତ୍ତନ। ଲଞ୍ଚ୍ ହେବ ଇପିଏଫଓ ୩.୦ ଆପ୍ଲିକେସନ। ପ୍ରୋଭିଡେଣ୍ଟ ଫଣ୍ଡରୁ ଟଙ୍କା ଉଠାଣ ହେବ ସହଜ। ଖାତାରେ ଟଙ୍କା ନ ଥିବାରୁ ଅଟୋ ଡେବିଟ୍ ଫେଲ୍ ହେଲେ କେତେକ ବ୍ୟାଙ୍କ ନେବେ ୨ ପ୍ରତିଶନ ବାଉନ୍ସ ଚାର୍ଜ ।

ଆଧାର, ୟୁପିଆଇ, ପିଏଫ ସହ ଏଲ୍‌ପିଜି କ୍ଷେତ୍ରରେ ହେବ ବଡ ପରିବର୍ତ୍ତନ । ଯାହାର ପ୍ରଭାବ ସିଧାସଳଖ ଲୋକଙ୍କ ଉପରେ ପଡ଼ିବ । ସରକାର କର୍ମଚାରୀ ଭବିଷ୍ୟନିଧି ପାଣ୍ଠି ସଂଗଠନ ବା ଇପିଏଫଓର ଏକ ନୂଆ ଓ ଉନ୍ନତ ସଂସ୍କରଣ, ଇପିଏଫଓ ୩.୦ ଜୁନ ପହିଲାରେ ଲଞ୍ଚ ହେବ । ଏହା ପରେ ପିଏଫ କ୍ଲେମ ସହଜ ହେବ ।

ସେହିପରି ଏନପିସିଆଇ ୟୁପିଆଇକୁ ନେଇ ନୂଆ ନିୟମ ଲାଗୁ କରିଛି । ୟୁପିଆଇ ପେମେଣ୍ଟ ସମୟରେ ବ୍ୟବହାରକାରୀମାନେ ଏବେ କେବଳ ପ୍ରକୃତ ପ୍ରାପ୍ତକର୍ତ୍ତାଙ୍କ ବ୍ୟାଙ୍କିଂ ନାମ ଦେଖିପାରିବେ। କ୍ୟୁଆର୍‌ କୋଡ୍ କିମ୍ବା ସମ୍ପାଦିତ ନାମ ଆଉ ଦୃଶ୍ୟମାନ ହେବ ନାହିଁ। ଏହି ନିୟମ ୩୦ ଜୁନ୍ ରୁ କାର୍ଯ୍ୟାରୀ ହେବ । ୧ ଜୁନ୍ ରୁ କ୍ରେଡିଟ୍ କାର୍ଡ ବ୍ୟବହାରକାରୀଙ୍କ ପାଇଁ କିଛି ନିୟମ ପରିବର୍ତ୍ତନ ହେବାକୁ ଯାଉଛି। କୋଟାକ୍ ମହିନ୍ଦ୍ରା ବ୍ୟାଙ୍କର କ୍ରେଡିଟ୍ କାର୍ଡରେ ଅଟୋ-ଡେବିଟ୍ ଟ୍ରାଞ୍ଜାକ୍ସନ୍ ବିଫଳତା ଉପରେ ୨% ବାଉନ୍ସ ଚାର୍ଜ ନେବ।